ബൻവാരിലാൽ പുരോഹിത്
സെപ്റ്റംബർ 30-നാണ് അഞ്ച് സംസ്ഥാനങ്ങളിൽ കേന്ദ്ര ഗവൺമെന്റ് പുതിയ ഗവർണറെ നിയമിച്ചത്. അസം ഗവർണറായിരുന്ന ബൻവാരിലാൽ പുരോഹിതിനെ തമിഴ്നാട് ഗവർണറായി മാറ്റുകയായിരുന്നു. ഒന്നരവർഷമായി തമിഴ്നാടിന് പൂർണസമയ ഗവർണറുണ്ടായിരുന്നില്ല. ജഗദീഷ് മുഖിയാണ് അസമിന്റെ പുതിയ ഗവർണർ. ബിഹാറിൽ സത്യപാൽ മാലിക്കും അരുണാചൽപ്രദേശിൽ ബി.ഡി.മിശ്രയും മേഘാലയയിൽ ഗംഗാ പ്രസാദും പുതിയ ഗവർണറായി. മുൻ നാവിക സേനാ മേധാവി ദേവേന്ദ്ര കുമാർ ജോഷിയാണ് ആൻഡമാൻ നിക്കോബാറിന്റെ പുതിയ ലെഫ്റ്റനന്റ് ഗവർണർ.