തേഞ്ഞിപ്പലം: കാലിക്കറ്റ് സർവകലാശാലയുടെ ബിരുദപ്രവേശനത്തിനുള്ള ഓൺലൈൻ അപേക്ഷ സമർപ്പിക്കുന്നതിനുള്ള അവസാനതീയതി 24 വരേക്ക് നീട്ടി. ഓൺലൈൻ രജിസ്ട്രേഷനും ഫീസടയ്ക്കുന്നതിനും അഞ്ചുമണിവരെ സൗകര്യമുണ്ടായിരിക്കും. വെബ്‌സൈറ്റ്: www.cuonline.ac.in/ug.ശനിയാഴ്ച വൈകുന്നേരം വരെ 1,25,783 പേർ രജിസ്ട്രേഷൻ പൂർത്തിയാക്കി. 5737 പേർക്ക്‌ അപേക്ഷാസമർപ്പണത്തിന്റെ വിവിധ ഘട്ടങ്ങൾ ബാക്കിയുണ്ട്.രജിസ്ട്രേഷൻ പൂർത്തിയാക്കിയ വിദ്യാർഥികൾക്ക് അപേക്ഷയിൽ പ്ലസ്‌ടു രജിസ്റ്റർനമ്പർ, മൊബൈൽ നമ്പർ എന്നിവയൊഴിക എല്ലാവിവരങ്ങളും സ്വയം തിരുത്തൽ വരുത്തുന്നതിനും പുതിയ കോളേജ് ഓപ്ഷനുകൾ കൂട്ടിച്ചേർക്കുന്നതിനുമുള്ള സൗകര്യവും രജിസ്ട്രേഷൻ പോർട്ടലിൽ ലഭ്യമാണ്.