സർവകലാശാലയുടെ നിയമപഠനവകുപ്പിൽ എൽ.എൽ.എം. (സ്വാശ്രയം, രണ്ടുവർഷം) പ്രവേശനത്തിന് ഓൺലൈനായി അപേക്ഷിക്കാം. സെപ്റ്റംബർ ഏഴിന് വൈകീട്ട് 5 മണി വരെ അപേക്ഷ സമർപ്പിക്കാം. ഫീസ്- ജനറൽ 370/- രൂപ, എസ്.സി./എസ്.ടി. 160 രൂപ. ഓൺലൈൻ അപേക്ഷ സമർപ്പിക്കേണ്ടത് രണ്ട് ഘട്ടങ്ങളായാണ്.ആദ്യഘട്ടത്തിൽ ക്യാമ്പ് ഐഡിയും പാസ്‌വേഡും മൊബൈലിൽ ലഭ്യമാകുന്നതിനുവേണ്ടി www.cuonline.ac.in -> Registration -> LLM 2020 Registration -> ’New User (Create CAP ID) എന്ന ലിങ്കിൽ അടിസ്ഥാനവിവരങ്ങൾ നൽകണം. രണ്ടാം ഘട്ടത്തിൽ ഇവ ഉപയോഗിച്ച് ലോഗിൻ ചെയ്ത് അപേക്ഷ പൂർത്തീകരിക്കണം. ഫീസടച്ചശേഷം റീ ലോഗിൻ ചെയ്ത് അപേക്ഷയുടെ പ്രിന്റ്ഔട്ട് എടുക്കണം. ഓൺലൈൻ പ്രിന്റ്ഔട്ട് സർവകലാശാലയിലേക്ക് അയക്കേണ്ടതില്ല. ഫോൺ: 0494 2407584, 2407016.