കേരളമുൾപ്പെടുന്ന ഹൈദരാബാദ് റീജിയനിലെ നവോദയവിദ്യാലയങ്ങളിലെ ഒഴിവുകളിലേക്ക് അപേക്ഷ ക്ഷണിച്ചു. ആകെ 483 ഒഴിവുകളാണുള്ളത്. കേരളത്തിൽ 88 ഒഴിവുകളുണ്ട്. അധ്യാപകർ, ഫാക്കൽറ്റി കം സിസ്റ്റം അഡ്മിനിസ്ട്രേറ്റർ, ലൈബ്രേറിയൻ തുടങ്ങിയ തസ്തികകളിലാണ് ഒഴിവുകൾ. നവോദയ വിദ്യാലയസമിതിയുടെ ഹൈദരാബാദ് റീജിയനുകീഴിൽ കേരളം, ആന്ധ്രാപ്രദേശ്, തെലങ്കാന, കർണാടക എന്നീ സംസ്ഥാനങ്ങളും ലക്ഷദ്വീപ്, പുതുച്ചേരി, ആൻഡമാൻ നിക്കോബാർ എന്നീ കേന്ദ്രഭരണപ്രദേശങ്ങളുമാണ് ഉൾപ്പെടുന്നത്. കേരളം, മാഹി, ലക്ഷദ്വീപ് എന്നിവിടങ്ങളിലെ നവോദയ വിദ്യാലയങ്ങളിലാണ് 88 ഒഴിവുകൾ. 2020-21 വർഷത്തേക്കുള്ള കരാർ നിയമനമാണ്. പ്രായപരിധി: 65 വയസ്സ്. പോസ്റ്റ് ഗ്രാജ്വേറ്റ് ടീച്ചർ (പി.ജി.ടി.) - 142 യോഗ്യത: 50 ശതമാനം മാർക്കോടെ ബന്ധപ്പെട്ട വിഷയത്തിൽ ബിരുദാനന്തരബിരുദം, ബി.എഡ്., ഹിന്ദിയിലും ഇംഗ്ലീഷിലും അധ്യാപനപ്രാവീണ്യം. ട്രെയിൻഡ് ഗ്രാജ്വേറ്റ് തസ്തികയിലും റെസിഡൻഷ്യൽ സ്കൂളിലും പ്രവൃത്തിചെയ്തുള്ള പരിചയം അഭിലഷണീയം. ട്രെയിൻഡ് ഗ്രാജ്വേറ്റ് ടീച്ചർ (ടി.ജി.ടി.) - 176 യോഗ്യത: ബന്ധപ്പെട്ട വിഷയത്തിൽ ബിരുദം, ബി.എഡ്. ബിരുദത്തിന് ആകെയും ബന്ധപ്പെട്ട വിഷയത്തിനും 50 ശതമാനം മാർക്കെങ്കിലും വേണം. സി.ടെറ്റ് യോഗ്യതയുള്ളവർക്ക് മുൻഗണന. ക്രിയേറ്റീവ് ആൻഡ് ഫിസിക്കൽ എഡ്യുക്കേഷൻ ടീച്ചർ - 77 ആർട്ട്, മ്യൂസിക്, ഫിസിക്കൽ എഡ്യുക്കേഷൻ എന്നീ വിഭാഗങ്ങളിൽ അധ്യാപകരുടെ ഒഴിവുകളുണ്ട്. യോഗ്യതകളും വിശദവിവരങ്ങളും വെബ്സൈറ്റിലുണ്ട്. ലൈബ്രേറിയൻ - 11 യോഗ്യത: ലൈബ്രറി സയൻസിൽ ബിരുദം/ബിരുദവും ലൈബ്രറി സയൻസിലെ ഒരുവർഷത്തെ ഡിപ്ലോമയും, ഇംഗ്ലീഷ്, ഹിന്ദി/പ്രാദേശികഭാഷയിലെ പ്രാവീണ്യം. റസിഡൻഷ്യൽ സ്കൂളിലെ പ്രവൃത്തിപരിചയം അഭിലഷണീയം. ഫാക്കൽറ്റി കം സിസ്റ്റം അഡ്മിനിസ്ട്രേറ്റർ (എഫ്.സി.എസ്.എ.) - 77 യോഗ്യത: ബിരുദവും കമ്പ്യൂട്ടർ ആപ്ലിക്കേഷനിൽ ഡിപ്ലോമയും/DOEACCയിൽനിന്നുള്ള എ ലെവൽ സർട്ടിഫിക്കറ്റ്/ബി.സി.എ./ബി.എസ്സി. കമ്പ്യൂട്ടർ സയൻസ്/ഐ.ടി./ബി.ടെക്/ബി.ഇ. കമ്പ്യൂട്ടർ സയൻസ്/ഐ.ടി./എം.സി.എ. വിശദവിവരങ്ങൾ www.navodaya.gov.in/nvs/ro/Hyderabad/en/home/ എന്ന വെബ്സൈറ്റിലുണ്ട്. അപേക്ഷ വെബ്സൈറ്റ് വഴി ഓൺലൈനായി അയക്കാം. അവസാന തീയതി: സെപ്റ്റംബർ 17 483 vacancies in Navodaya Hyderabad Region; apply by 17 September