ബിരുദ പ്രവേശനം: ഓപ്ഷൻ പുനഃക്രമീകരണം ഇന്ന് വൈകീട്ട് അഞ്ചുവരെ mg universities
ബിരുദ പ്രവേശനം: ഓപ്ഷൻ പുനഃക്രമീകരണം ഇന്ന് വൈകീട്ട് അഞ്ചുവരെ mg universities
mg universities മഹാത്മാഗാന്ധി സർവകലാശാലാ പരിധിയിലെ കോളേജുകളിൽ ബിരുദ പ്രവേശനത്തിന് ഏകജാലകം വഴി അപേക്ഷിച്ചവർക്ക് ഓപ്ഷനുകൾ പുനഃക്രമീകരിക്കാനും ഒഴിവാക്കാനും സെപ്റ്റംബർ 19 വൈകീട്ട് അഞ്ചുവരെ അവസരം ലഭിക്കും. സ്ഥിരപ്രവേശനം നേടിയവർക്കും ഒന്നാം അലോട്ട്‌മെന്റ് ലഭിച്ചിട്ട് സർവകലാശാല ഫീസ് അടയ്ക്കാതിരിക്കുകയോ പ്രവേശനം തിരഞ്ഞെടുക്കാതിരിക്കുകയോ പ്രവേശനം തിരഞ്ഞെടുത്തിട്ട് കോളേജുമായി ബന്ധപ്പെടാതിരിക്കുകയോ വിവിധ കാരണങ്ങളാൽ കോളേജുകൾ നിരസിക്കുകയോ ചെയ്തവർക്ക് ഓപ്ഷനുകൾ പുനഃക്രമീകരിക്കാനും ഒഴിവാക്കാനും കഴിയില്ല.പ്രവേശനം 24 വരെബിരുദ പ്രവേശനത്തിന് ഏകജാലകം വഴി ഭിന്നശേഷിക്കാർക്കായി സംവരണം ചെയ്ത സീറ്റിലേക്ക് അപേക്ഷിച്ചവർക്കുള്ള പ്രവേശനം സെപ്റ്റംബർ 24 വരെ അതത് കോളേജുകളിൽ നടത്തും. വിവിധ പ്രോഗ്രാമുകളുടെ റാങ്ക് പട്ടികയിൽ ഉൾപ്പെട്ടവർ സെപ്റ്റംബർ 24-ന് വൈകീട്ട് 4.30-നകം കോളേജുമായി ഫോണിൽ ബന്ധപ്പെട്ട് ഓൺലൈനായി കോളേജ് ഫീസടച്ച് പ്രവേശനം ഉറപ്പാക്കണം. പ്രവേശനം പൂർണമായി ഓൺലൈനിലാണ്. ടി.സി. ഉചിതമാർഗത്തിൽ നൽകണം. സെപ്റ്റംബർ 24-നകം പ്രവേശനമെടുക്കാത്തവരുടെ അവസരം നഷ്ടമാകും.പ്രോജക്ട് മൂല്യനിർണയവും വൈവാവോസിയും2020 ജൂണിൽ നടന്ന നാലാം സെമസ്റ്റർ എം.ബി.എ. പരീക്ഷയുടെ പ്രോജക്ട് മൂല്യനിർണയവും വൈവാവോസിയും സെപ്റ്റംബർ 23 മുതൽ 30 വരെ അതത് കോളേജുകളിൽ നടക്കും. വിശദവിവരം അതത് കോളേജുകളിൽ ലഭിക്കും.അപേക്ഷാതീയതിതൃപ്പൂണിത്തുറ ആർ.എൽ.വി. കോളേജ് ഓഫ് മ്യൂസിക് ആൻഡ്‌ ഫൈൻ ആർട്‌സിലെ ഒന്നാം സെമസ്റ്റർ എം.എഫ്.എ. (2019 അഡ്മിഷൻ റഗുലർ/ഒന്നാം വർഷം 2019 അഡ്മിഷൻ വരെയുള്ള അഡ്മിഷൻ സപ്ലിമെന്ററി, മേഴ്‌സി ചാൻസ്) പരീക്ഷയ്ക്ക് പിഴയില്ലാതെ സെപ്റ്റംബർ 28 വരെയും 525 രൂപ പിഴയോടെ 29 വരെയും 1050 രൂപ സൂപ്പർഫൈനോടെ 30 വരെയും അപേക്ഷിക്കാം.പരീക്ഷാഫലം2019 ഒക്‌ടോബറിൽ സ്‌കൂൾ ഓഫ് പ്യുവർ ആൻഡ്‌ അപ്ലൈഡ് സയൻസസിൽ നടന്ന മൂന്നാം സെമസ്റ്റർ എം.എസ്.സി. ഫിസിക്‌സ് (സി.എസ്.എസ്. - 2018-20 ബാച്ച്) പരീക്ഷയുടെ ഫലം പ്രസിദ്ധീകരിച്ചു.എം.ജി. പി.ജി. പ്രവേശനപരീക്ഷ ഒക്‌ടോബർ ആറിനും ഏഴിനുംമഹാത്മാഗാന്ധി സർവകലാശാലയിലെ വിവിധ പഠനവകുപ്പുകളിലും ഇന്റർ സ്‌കൂൾ സെന്ററിലും പി.ജി. പ്രോഗ്രാം പ്രവേശനത്തിനുള്ള പ്രവേശനപരീക്ഷ ഒക്‌ടോബർ ആറ്, ഏഴ് തീയതികളിൽ നടക്കും. തിരുവനന്തപുരം, കോട്ടയം, എറണാകുളം, കോഴിക്കോട്, കണ്ണൂർ എന്നിവിടങ്ങളിൽ പരീക്ഷാകേന്ദ്രങ്ങളുണ്ട്. പരീക്ഷയുടെ അഡ്മിറ്റ് കാർഡ് ഡൗൺലോഡ് ചെയ്യാനുള്ള തീയതി പിന്നീട് അറിയിക്കും. കോവിഡ്- 19 പ്രതിരോധ മാനദണ്ഡങ്ങൾ പാലിച്ചും മാസ്‌കും െെകയുറയും ധരിച്ചും പരീക്ഷയ്ക്ക് ഹാജരാകണം. കോവിഡ്- 19 ഇല്ല എന്ന സ്വയം സാക്ഷ്യപ്പെടുത്തിയ സർട്ടിഫിക്കറ്റ് പരീക്ഷാർത്ഥികൾ ഹാജരാക്കണം. ഓപ്പൺ ഓൾ ഇന്ത്യ ക്വാട്ടയിലേക്കുള്ള പി.ജി. പ്രവേശനം യോഗ്യതാപരീക്ഷയുടെ മാർക്കിന്റെ അടിസ്ഥാനത്തിലായിരിക്കും നടക്കുക. വിശദവിവരത്തിന് ഫോൺ: 0481- 2733595. ഇ-മെയിൽ: [email protected]