kannur universities സെപ്റ്റംബർ 24-ന് നടത്താനിരുന്ന രണ്ടാംവർഷ വിദൂര വിദ്യാഭ്യാസ ബിരുദാനന്തര ബിരുദ (ജൂൺ 2020) പരീക്ഷകൾ ഒക്ടോബർ അഞ്ചിന് നടക്കുന്ന രീതിയിൽ പുനഃക്രമീകരിച്ചു. പരീക്ഷാകേന്ദ്രത്തിലും സമയക്രമത്തിലും മാറ്റമില്ല.പരീക്ഷാഫലംഅവസാനവർഷ വിദൂരവിദ്യാഭ്യാസ ബി.എ., ബി.കോം., ബി.ബി.എ., ബി.സി.എ., ബി.എസ്‌സി. മാർച്ച് 2020 പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും ഒക്ടോബർ എട്ടിന് വൈകീട്ട് അഞ്ചുവരെ ഓൺലൈനായി അപേക്ഷിക്കാം. ഗ്രേഡ്കാർഡും പ്രൊവിഷണൽ സർട്ടിഫിക്കറ്റും നൽകുന്ന തീയതി പിന്നീട് അറിയിക്കും.സർവകലാശാല പഠനവകുപ്പിലെ നാലാംസെമസ്റ്റർ എം.സി.എ. എം.എസ്‌സി. ക്ലിനിക്കൽ ആൻഡ്‌ കൗൺസലിങ് സൈക്കോളജി/ ഫിസിക്സ്/അപ്ലൈഡ് സുവോളജി/മോളിക്യുലാർ ബയോളജി, (സി.സി.എസ്.എസ്.) റഗുലർ/സപ്ലിമെന്ററി, പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനുമുള്ള അപേക്ഷകൾ ഒക്ടോബർ നാലിന് വൈകീട്ട് അഞ്ചുവരെ സ്വീകരിക്കും.അഞ്ചാം സെമസ്റ്റർ (നവംബർ 2019), ആറാം സെമസ്റ്റർ (ഏപ്രിൽ 2020) സ്പോർട്സ് സ്പെഷ്യൽ പരീക്ഷാഫലം പ്രസിദ്ധീകരിച്ചു. പുനർ മൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനുമുള്ള അപേക്ഷകൾ ഒക്ടോബർ മൂന്നുവരെ സ്വീകരിക്കും. പരീക്ഷാഫലങ്ങൾ വെബ്സൈറ്റിൽ.