ന്യൂഡൽഹി: 2020 ഒക്ടോബർ മുതൽ 2021 ഓഗസ്റ്റ് വരെയുള്ള പരീക്ഷാ കലണ്ടർ സ്റ്റാഫ് സെലക്ഷൻ കമ്മിഷൻ (എസ്.എസ്.സി) പ്രസിദ്ധീകരിച്ചു. കോവിഡ് വ്യാപനത്തെത്തുടർന്ന് മാറ്റിവെച്ച കമ്പൈൻഡ് ഹയർസെക്കൻഡറി ലെവൽ പരീക്ഷ ഒക്ടോബർ 12 മുതൽ 26 വരെ നടക്കും. 2019-ലെ കമ്പൈൻഡ് ഗ്രാജ്വേറ്റ് ലെവൽ (സി.ജി.എൽ - ടയർ II) പരീക്ഷ നവംബർ നവംബർ 2 മുതൽ 5 വരെയും ടയർ III നവംബർ 225-നും നടത്തും. ഡൽഹി പോലീസിലേക്കുള്ള റിക്രൂട്ട്മെന്റ് പരീക്ഷകളും നവംബർ, ഡിസംബർ മാസങ്ങളിൽ നടത്തും. ജൂനിയർ എൻജിനീയർ തസ്തികയിലേക്കാണ് ആദ്യത്തെ അപേക്ഷ ക്ഷണിക്കുന്നത്. ഉദ്യോഗാർഥികൾക്ക് ഒക്ടോബർ 1 മുതൽ 30 വരെ ഇതിലേക്ക് അപേക്ഷിക്കാം. 2020-ലെ സി.ജി.എൽ പരീക്ഷയ്ക്ക് ഡിസംബർ 21 മുതൽ ജനുവരി 25 വരെയും അപേക്ഷിക്കാം. SSC Releases Exam Calendar 2020-21