kannur universities : സർവകലാശാലയുടെ വിവിധ പഠനവകുപ്പുകളിലെ യു.ജി/പി.ജി പ്രവേശനത്തിന് ഏർപ്പെടുത്തിയിരുന്ന പ്രവേശനപരീക്ഷ കോവിഡ് പശ്ചാത്തലത്തിൽ 2020-21 അധ്യയനവർഷത്തേക്ക് ഒഴിവാക്കി.പകരം യോഗ്യതാപരീക്ഷയിൽ നേടിയ മാർക്കിന്റെ അടിസ്ഥാനത്തിലായിരിക്കും പ്രവേശനം. വിദ്യാർഥികൾക്ക് സെപ്റ്റംബർ 25 മുതൽ 28 വരെ അപേക്ഷയിൽ മാർക്ക് ചേർക്കാം.കൂടാതെ ഇനിയും അപേക്ഷിക്കുന്നവർക്കും രജിസ്ട്രേഷൻ നടത്താം. ഓൺലൈൻ അപേക്ഷ പൂർത്തീകരിക്കാൻ സാധിക്കാത്തവർക്കും ഈ അവസരം ഉപയോഗിക്കാം. വിശദ വിവരങ്ങൾ www.admission.kannuruniversity.ac.in എന്ന വെബ് സൈറ്റിൽ.അപേക്ഷത്തീയതി നീട്ടിഅഫിലിയേറ്റഡ് കോളേജുകളിലേക്ക് 2020-21 അധ്യയനവർഷത്തെ പി.ജി. പ്രവേശനത്തിന് 28-ന് അഞ്ചുവരെ അപേക്ഷിക്കാം. നാലാം സെമസ്റ്റർ ബിരുദപരീക്ഷനാലാം സെമസ്റ്റർ ബിരുദപരീക്ഷകളുടെ നടക്കാൻ ബാക്കിയുള്ള പേപ്പറുകൾ 29 മുതൽ നടക്കും. നാലാം സെമസ്റ്റർ ബി.എ. പൊളിറ്റിക്കൽ സയൻസ് 4B06POL-State Politics in India പേപ്പറിന്റെ പുനഃപരീക്ഷയും ഇതോടൊപ്പം നടക്കും. ടൈംടേബിൾ 24-ന് ലഭിക്കും.പരീക്ഷാ ഏകോപനസമിതി കോവിഡ് കാലത്തെ പരീക്ഷാ നടത്തിപ്പിനായി എല്ലാ അഫിലിയേറ്റഡ് കോളേജുകളിലും നിർബന്ധമായും രൂപവത്കരിക്കേണ്ട പരീക്ഷാ ഏകോപനസമിതിയുമായി ബന്ധപ്പെട്ട നിർദേശങ്ങൾ സർവകലാശാല വെബ്സൈറ്റിൽ ലഭിക്കും.