ഐ.ഐ.എസ്.ടി ബിരുദ പ്രവേശനം: ഒക്ടോബര്‍ 7 വരെ അപേക്ഷിക്കാം
ഐ.ഐ.എസ്.ടി ബിരുദ പ്രവേശനം: ഒക്ടോബര്‍ 7 വരെ അപേക്ഷിക്കാം
തിരുവനന്തപുരം വലിയമലയിലുള്ള ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പേസ് സയൻസ് ആൻഡ് ടെക്നോളജി (ഐ.ഐ.എസ്.ടി.) ബിരുദപ്രോഗ്രാം പ്രവേശനത്തിന് അപേക്ഷ ക്ഷണിച്ചു. ഏറോസ്പേസ് എൻജിനിയറിങ്, ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനിയറിങ് (ഏവിയോണിക്സ്) എന്നീ നാലുവർഷ ബി.ടെക്., അഞ്ച് വർഷ ഡ്യുവൽ ഡിഗ്രി-ബി.ടെക്. ആൻഡ് മാസ്റ്റർ ഓഫ് സയൻസ്/എം.ടെക്. - എന്നീ പ്രോഗ്രാമുകളിലെ പ്രവേശനത്തിനാണ് അപേക്ഷിക്കാവുന്നത്. ഡ്യുവൽ ഡിഗ്രി പ്രോഗ്രാമിൽ എൻജിനിയറിങ് ഫിസിക്സിലാണ് ബി.ടെക്. ലഭിക്കുക. മാസ്റ്റർ ഓഫ് സയൻസ്; അസ്ട്രോണമി ആൻഡ് അസ്ട്രോഫിസിക്സ്, സോളിഡ് സ്റ്റേറ്റ് ഫിസിക്സ് എന്നിവയിലൊന്നിലും എം.ടെക്.; എർത്ത് സിസ്റ്റം സയൻസ്, ഒപ്റ്റിക്കൽ എൻജിനിയറിങ് എന്നിവയിലൊന്നിലും ആകാം. ഡ്യുവൽ ഡിഗ്രി പ്രോഗ്രാമിൽ ബി.ടെക്. കഴിഞ്ഞ് എക്സിറ്റ് ഓപ്ഷനില്ല. അപേക്ഷാർഥി നിശ്ചിത പ്ലസ് ടുതല യോഗ്യതാപരീക്ഷ ജയിച്ചിരിക്കണം. 2020-ലെ ജെ.ഇ.ഇ. (അഡ്വാൻസ്ഡ്) അഭിമുഖീകരിച്ചിരിക്കയുംവേണം. അതിൽ കാറ്റഗറിയനുസരിച്ച് യോഗ്യതാ മാർക്ക് നേടേണ്ടതുണ്ട്. അപേക്ഷ http://admission.iist.ac.in വഴി ഒക്ടോബർ ഏഴിന് വൈകീട്ട് മൂന്നുവരെ രജിസ്റ്റർ ചെയ്യാം. ബ്രാഞ്ച് താത്പര്യവും അപ്പോൾ നൽകണം. രജിസ്ട്രേഷൻ ഫീസും ഈ സമയപരിധിക്കകം അടയ്ക്കണം. രജിസ്റ്റർ ചെയ്യുന്നവരെ മാത്രമേ, ജെ.ഇ.ഇ. (അഡ്വാൻസ്ഡ്) മാർക്ക് പരിഗണിച്ച്, ഐ.ഐ.എസ്.ടി. പ്രവേശന റാങ്കിങ്ങിനായി പരിഗണിക്കൂ. സീറ്റ് അലോട്മെന്റ്/അക്സപ്റ്റൻസ് റൗണ്ടുകൾ ഒക്ടോബർ 10-ന് തുടങ്ങും. IIST admissions 2020: apply by October