ന്യൂഡൽഹി: അധ്യാപക യോഗ്യതാ പരീക്ഷയായ സി-ടെറ്റ് പരീക്ഷാ തീയതിയുമായി ബന്ധപ്പെട്ട് പുറത്തിറങ്ങിയവിജ്ഞാപനം വ്യാജമാണെന്ന മുന്നറിയിപ്പുമായി സി.ബി.എസ്.ഇ. പരീക്ഷാത്തീയതി ബോർഡ് ഇതുവരെ പ്രഖ്യാപിച്ചിട്ടല്ലെന്നും പരീക്ഷാർഥികൾ സി-ടെറ്റിന്റെ ഔദ്യോഗിക വെബ്സൈറ്റായ ctet.nic.in-ൽ പ്രസിദ്ധീകരിക്കുന്ന വിജ്ഞാപനങ്ങൾ മാത്രമേ വിശ്വസിക്കാവൂ എന്നും മുന്നറിയിപ്പിൽ പറയുന്നു. നവംബർ 5-ന് പരീക്ഷ നടക്കുമെന്ന തരത്തിലായിരുന്നു വ്യാജ വിജ്ഞാപനം പ്രചരിച്ചത്. കോവിഡ് വ്യാപനത്തിന്റെ പശ്ചാത്തലത്തിൽ സാഹചര്യം അനുകൂലമാകുന്ന മുറയ്ക്ക് മാത്രമേ പരീക്ഷ നടത്തുകയുള്ളൂവെന്ന് സി.ബി.എസ്.ഇ ജൂണിൽ അറിയിച്ചിരുന്നു. CBSE warns about the fake notice on CTET Exam