രാമലിംഗസ്വാമി റീ-എന്ട്രി ഫെലോഷിപ്പിന് അപേക്ഷിക്കാം; പ്രതിമാസ വേതനം ഒരുലക്ഷം രൂപ
രാമലിംഗസ്വാമി റീ-എന്ട്രി ഫെലോഷിപ്പിന് അപേക്ഷിക്കാം; പ്രതിമാസ വേതനം ഒരുലക്ഷം രൂപ
വിദേശത്ത് മുൻനിര ഗവേഷണങ്ങളിൽ ഏർപ്പെട്ടിരിക്കുന്ന, മികവുതെളിയിച്ച ഇന്ത്യൻ ഗവേഷകരെ ഇന്ത്യയിലേക്ക് ആകർഷിക്കാനും ഗവേഷകർക്ക് ഇന്ത്യയിലെ മുൻനിര ഗവേഷണ-വികസന സ്ഥാപനങ്ങളിൽ മികച്ച ആനുകൂല്യങ്ങളോടെ ഗവേഷണം നടത്താനും പിഎച്ച്.ഡി./എം.ഡി. ബിരുദധാരികൾക്ക് അവസരം ഒരുക്കുന്ന രാമലിംഗസ്വാമി റീ-എൻട്രി ഫെലോഷിപ്പിന് ഒക്ടോബർ 31 വരെ അപേക്ഷിക്കാം. കേന്ദ്ര സർക്കാരിന്റെ ബയോടെക്നോളജി വകുപ്പിന്റേതാണ് പദ്ധതി. ലൈഫ് സയൻസസ്, ബയോടെക്നോളജി, ബയോ എൻജിനിയറിങ്, ഹെൽത്ത് കെയർ, അഗ്രിക്കൾച്ചർ, വെറ്ററിനറി സയൻസ്, അനുബന്ധ മേഖലകൾ എന്നിവയിൽ ഗവേഷണം ആകാം. അഞ്ചുവർഷത്തേക്കാണ് ഫെലോഷിപ്പ്. പ്രതിമാസ വേതനം ഒരുലക്ഷം രൂപ. റിസർച്ച്/കണ്ടിൻജൻസി ഗ്രാന്റ്, ആദ്യ രണ്ടുവർഷത്തേക്ക് 10 ലക്ഷം രൂപ, മൂന്നും നാലും വർഷത്തേക്ക് ഏഴരലക്ഷം രൂപ, അഞ്ചാം വർഷത്തേക്ക് അഞ്ചുലക്ഷം രൂപ. മറ്റ് ആനുകൂല്യങ്ങളുമുണ്ട്. വിവരങ്ങൾ http://dbtindia.gov.in -ൽ ലഭിക്കും (Whats new > Advertisement ലിങ്കുകൾ വഴി). Apply now for Ramalingaswami Re-entry Fellowship