ബെംഗളൂരു ജവാഹർലാൽ നെഹ്രു സെന്റർ ഫോർ അഡ്വാൻസ്ഡ് സയന്റിഫിക് റിസർച്ചിൽ (ജെ.എൻ.സി.എ.എസ്.ആർ.) മിഡ് ഇയർ ഗവേഷണത്തിന് അവസരം. കെമിസ്ട്രി ആൻഡ് ഫിസിക്സ് ഓഫ് മെറ്റീരിയൽസ്, എൻജിനിയറിങ് മെക്കാനിക്സ്, ഇവല്യൂഷണറി ആൻഡ് ഇന്റഗ്രേറ്റീവ് ബയോളജി, ന്യൂ കെമിസ്ട്രി, എന്നീ യൂണിറ്റുകളിലായി പിഎച്ച്.ഡി./എം.എസ്. (എൻജിനിയറിങ്)/എം.എസ്. (റിസർച്ച്) പ്രോഗ്രാമുകളുണ്ട്. എം.എസ്സി., ബി.ഇ., ബി.ടെക്., എം.ഇ., എം.ടെക്., എം.ബി.ബി.എസ്./എം.ഡി. ബിരുദമുള്ളവർക്ക് അപേക്ഷിക്കാം. 50 ശതമാനം മാർക്ക് വേണം. യൂണിറ്റ് അനുസരിച്ച് പരിഗണിക്കാവുന്ന വിഷയങ്ങളും ബ്രാഞ്ചുകളും: എം.എസ്സി: കെമിസ്ട്രി, ഫിസിക്സ്, മാത്തമാറ്റിക്സ്, സ്റ്റാറ്റിസ്റ്റിക്സ്, ബോട്ടണി, സുവോളജി, ലൈഫ് സയൻസസ്, ബയോടെക്നോളജി, ബയോകെമിസ്ട്രി, ബയോഇൻഫർമാറ്റിക്സ്, മെറ്റീരിയൽസ് സയൻസ്, ഇലക്ട്രോണിക്സ്. ബി.ഇ./ബി.ടെക്: ഏറോസ്പേസ്, കെമിക്കൽ, മെക്കാനിക്കൽ, ഇലക്ട്രിക്കൽ, ഇലക്ട്രോണിക്സ്, നാനോ ടെക്നോളജി, മെറ്റലർജി, പോളിമർ, എൻജിനിയറിങ് ഫിസിക്സ്, ബയോടെക്നോളജി, ബയോളജിയുമായി ബന്ധപ്പെട്ട ബ്രാഞ്ചുകൾ. എം.ഇ./എം.ടെക്: ഏറോസ്പേസ്, കെമിക്കൽ, ഇലക്ട്രോണിക്സ്, ഇലക്ട്രിക്കൽ, മെക്കാനിക്കൽ, പോളിമർ, ബയോടെക്നോളജി, ബയോളജിക്കൽ എൻജിനിയറിങ്, ബയോഇൻഫർമാറ്റിക്സ്. 2021 ജനുവരി ഒന്നിന് സാധുതയുള്ള ഗേറ്റ്, ജസ്റ്റ്, ജി.പാറ്റ്, യു.ജി.സി/സി.എസ്.ഐ.ആർ നെറ്റ്, ജെ.ആർ.എഫ്, ഐ.സി.എം.ആർ./ ഡി.ബി.ടി./ഇൻസ്പയർ, ജെ.ആർ.എഫ്. എന്നിവയിലൊന്നിലെ യോഗ്യതയും വേണം. അപേക്ഷ നവംബർ 30 രാത്രി 11.59 വരെ www.jncasr.ac.in വഴി നൽകാം. അപേക്ഷാഫീസ് 500 രൂപ ഓൺലൈനായി അടയ്ക്കാം. Jawaharlal Nehru Centre for advanced scientific research invites application for research, JNCASR