ഇടപ്പള്ളി രാഘവൻ പിള്ള =>അപരാധി

അപരാധിയാണു ഞാൻ, ലോകമേ, നി

ന്നനുകമ്പയെന്നിലൊഴുക്കിടേണ്ടാ!

അകളങ്കഹൃത്തുക്കളൊന്നുപോലും

തകരാതിരുന്നതില്ലിത്രനാളും

കരയരുതംബുകണികയെങ്കിൽ

സുരപഥമെത്താൻ കൊതിച്ചുകൂടാ;

പരിതൃപ്തിതന്‍റെ കവാടദേശം

പരുഷപാഷാണപ്രകീർണമത്രേ!

പ്രണയവിവശയായ്ത്തീരുവോരെൻ

വ്രണിതഹൃദയത്തിൻ മൗനഗാനം

സഹജരേ, നിങ്ങളോടല്ല, ശൂന്യം,

ബധിരതൻമുന്നിലായിരുന്നുച

അഴകിന്‍റെ തൂവെള്ളിക്കിണ്ണമെല്ലാ

മഴലുനിറഞ്ഞവയായിരുന്നു;

സ്ഫടികാഭമാകുമരുവികൾത

ന്നടിയെല്ലാം പങ്കിലമായിരുന്നു!

നരജന്മം തന്ത്രീരഹിതമാകു

മൊരുവീണ,യെന്തിനെന്നാരറിഞ്ഞു!

പരിശുദ്ധപ്രേമപ്പൊൻകമ്പി കെട്ടി

പ്പലവട്ടം ഞാനതിൽ പാടിനോക്കി;

ഒരു കൊച്ചുതാരകം വാനിൽനിന്നെൻ

സിരകളിലുന്മേഷച്ചാറൊഴുക്കി;



പരമാനന്ദത്തിലുറഞ്ഞു ഞാനെൻ

പരമാർത്ഥമെല്ലാം മറന്നുപോയീ!

മമ ചിത്തം ബിംബിച്ചിരുന്നതാമാ

മലിനതയറ്റ മുകുരംതന്നിൽ

ഉലകിന്‍റെയോരോ വശത്തേയും ഞാൻ

ചലനചിത്രോപമം കണ്ടിരുന്നു;

ശരിയെന്നാലോർത്തതില്ലിത്തരത്തി

ലൊരു ചിത്രം ഭീകരം കാണുമെന്നായ്!

വളരുമെൻകണ്ണീരുറവൊലിച്ച

ക്കുളിർചില്ലിൽ വീണ, തിരുണ്ടുപോയി!

കനകതാരാഭമാമംബരത്തിൽ

ഘനതതി കാളിമ പൂശിടുമ്പോൾ,

കഴുകി ഞാനക്കരിയൊക്കെയുമെൻ

കദനത്തിൻ കണ്ണുനീർ വീഴ്ത്തിവീഴ്ത്തി;

ഇനിയതുമില്ലാ വെളിച്ചമേ, യെ

ന്നരികിൽ നിൻ പൊൻകരം വീശിടേണ്ടാ!

തഴുകുമിക്കൂരിരുൾതന്മടിയിൽ

തലചായ്ച്ചു ഞാനൊന്നുറങ്ങിടാവൂ!



നിഴലിൽ മുറുകെപ്പിടിച്ചു ഞാനെൻ

നിലവിട്ടു മേല്പോട്ടുയർന്നുപോയി;

നിയതിതൻ കൈവിരൽത്തള്ളലിനാൽ

നിലയറ്റ ഗർത്തത്തിലാപതിച്ചു!

പരിഭവത്തിന്‍റെ പരുഷനാദം,

പരിഹാസത്തിന്‍റെ വിളർത്ത ഹാസം,

പരിശൂന്യതതൻ നടന,മെന്‍റെ

പരിസരമയ്യോ! ഭയദമേറ്റം!

ധരയാകുമന്ധതാമിസ്രംതന്നി

ലൊരു കൊച്ചുമിന്നാമിനുങ്ങിയാം ഞാൻ

പൊരിമണൽക്കാട്ടിലും പാറയിലും

ചൊരിയുവാനാശിപ്പൂ പ്രേമവർഷം

അപടു, വെൻ വീണയിലിത്രമാത്രം



അപശബ്ദം ഞാനൊന്നു മീട്ടിപ്പോയി!

അപരാധിയാണു ഞാൻ ലോകമേ, നി

ന്നനുകമ്പയെന്നിലൊഴുക്കിടേണ്ടാ;

അവനമ്രശീർഷനായ് നിൽക്കുമെന്നി

ലവസാനമാല്യമണിയിച്ചേക്കൂ!...

---

Manglish Transcribe ↓

---

Idappalli raaghavan pilla =>aparaadhi

aparaadhiyaanu njaan, lokame, ni

nnanukampayennilozhukkidendaa! Akalankahrutthukkalonnupolum

thakaraathirunnathillithranaalum

karayaruthambukanikayenkil

surapathametthaan kothicchukoodaa;

parithrupthithan‍re kavaadadesham

parushapaashaanaprakeernamathre! Pranayavivashayaayttheeruvoren

vranithahrudayatthin maunagaanam

sahajare, ningalodalla, shoonyam,

badhirathanmunnilaayirunnucha

azhakin‍re thoovellikkinnamellaa

mazhaluniranjavayaayirunnu;

sphadikaabhamaakumaruvikaltha

nnadiyellaam pankilamaayirunnu! Narajanmam thanthreerahithamaaku

moruveena,yenthinennaararinju! Parishuddhapremapponkampi ketti

ppalavattam njaanathil paadinokki;

oru kocchuthaarakam vaanilninnen

sirakalilunmeshacchaarozhukki;



paramaanandatthiluranju njaanen

paramaarththamellaam marannupoyee! Mama chittham bimbicchirunnathaamaa

malinathayatta mukuramthannil

ulakin‍reyoro vashattheyum njaan

chalanachithropamam kandirunnu;

shariyennaalortthathillittharatthi

loru chithram bheekaram kaanumennaayu! Valarumenkanneeruravoliccha

kkulirchillil veena, thirundupoyi! Kanakathaaraabhamaamambaratthil

ghanathathi kaalima pooshidumpol,

kazhuki njaanakkariyokkeyumen

kadanatthin kannuneer veezhtthiveezhtthi;

iniyathumillaa velicchame, ye

nnarikil nin ponkaram veeshidendaa! Thazhukumikkoorirulthanmadiyil

thalachaaycchu njaanonnurangidaavoo! Nizhalil murukeppidicchu njaanen

nilavittu melpottuyarnnupoyi;

niyathithan kyviraltthallalinaal

nilayatta gartthatthilaapathicchu! Paribhavatthin‍re parushanaadam,

parihaasatthin‍re vilarttha haasam,

parishoonyathathan nadana,men‍re

parisaramayyo! Bhayadamettam! Dharayaakumandhathaamisramthanni

loru kocchuminnaaminungiyaam njaan

porimanalkkaattilum paarayilum

choriyuvaanaashippoo premavarsham

apadu, ven veenayilithramaathram



apashabdam njaanonnu meettippoyi! Aparaadhiyaanu njaan lokame, ni

nnanukampayennilozhukkidendaa;

avanamrasheershanaayu nilkkumenni

lavasaanamaalyamaniyicchekkoo!...