അമ്മയും മകനും
ഉള്ളൂർ എസ്. പരമേശ്വരയ്യർ=>അമ്മയും മകനും
ആടിയും പാടിയും മുറ്റ ത്തെങ്ങു
മോടിക്കളിക്കുന്ന കുട്ടൻ ;
പുഞ്ചിരിതഞ്ചും മൊഴികൊ ണ്ടാർക്കും
നെഞ്ചലിയിക്കുന്ന കുട്ടൻ ;
അമ്മയുമച്ഛനും കൈമെയ് മറ
ന്നുമ്മവെച്ചീടുന്ന കുട്ടൻ ;
കുട്ടന്റെയച്ഛൻ മകനെ യയ്യോ !
വിട്ടതാ പോകുന്നു വിണ്ണിൽ.
മാറത്തലച്ചമ്മ വീഴ് വൂ മേനി
യാറാത്ത കണ്ണീരിൽ മുക്കി.
ഒന്നുമറിയാത്ത കുട്ട നുടൻ
മുന്നിൽത്തിടുക്കത്തിലെത്തി.
തായയെക്കെട്ടിപ്പുണർന്നു ; പൊട്ടി
പ്പായുന്ന കണ്ണീർ തുടച്ചു.
"അമ്മേ, കരവതെന്തമ്മേ ? യെന്നാ
ണമ്മണിപ്പൈതലിൻ ചോദ്യം.
ഉത്തരമെന്തു പറയു മവൾ ?
പുത്രനെത്താങ്ങിയെടുത്തു.
"എൻ മകനേ, നിന്റെയച്ഛൻ തങ്കം,
നമ്മെ വെടിഞ്ഞെങ്ങോ പോയി."
"പച്ചപ്പൊളിയിതു" ചൊന്നാൻ മക
"നച്ഛനുറങ്ങുകയല്ലേ ?"
"അല്ലിതുറക്കമല്ലയ്യോ ! കുഞ്ഞേ,
ഇല്ലിതിൽ നിന്നൊരുണരൽ."
"അമ്മേ, വിളിക്കാം ഞാ,നച്ഛൻ പെട്ടെ
ന്നെൻ വിളികേട്ടാലുണരും."
"അച്ഛാ, വിളിക്കയാണച്ഛാ, കുട്ട
നൊച്ചകേട്ടൊന്നെഴുനേൽക്കൂ !
അമ്മയെക്കള്ളിയെന്നോതി ക്കുറേ
നമ്മൾക്കു പൊട്ടിച്ചിരിക്കാം."
എത്ര വിളിക്കുകിലെന്താ വിളി
ചത്തപിണമുണ്ടോ കേൾപ്പൂ ?
പേടിച്ചു തായതൻ മുന്നിൽ മുഖം
വാടിത്തളർന്നെത്തിയുണ്ണി.
"അമ്മ പറഞ്ഞതു നേരാ ണച്ഛൻ
നമ്മെ വെടിഞ്ഞതു തന്നെ.
എങ്ങുപോ, യെങ്ങുപോയ് ? ചൊന്നാ ലുട
നങ്ങു ഞാൻ ചെന്നു വിളിക്കാം.
പന്തിനും പാവയ്ക്കും വേണ്ടീ ട്ടൊരു
ശണ്ഠകൂടില്ലെന്നുമോതാം."
അമ്മ പറഞ്ഞു : "മകനേ യങ്ങു
നമ്മൾക്കു ചെല്ലുവാൻ മേലാ.
ദൈവം വിളിച്ചിട്ടുപോയ് നി ന്നച്ഛ
നാവതൊന്നില്ലല്ലോ നമ്മാൽ."
"അച്ഛനില്ലാത്തവനാണോ ദൈവ "
"മച്ഛനുമമ്മയുമറ്റോൻ."
അച്ഛനില്ലാഞ്ഞാലതിന്നു നമ്മോ
ടീച്ചതി ചെയ്യാമോ തായേ ?
എങ്ങവൻ ചെന്നു മറഞ്ഞു നമ്മൾ
ക്കിങ്ങനെയത്തൽ വരുത്തി ?"
"വിണ്ണിലിരിപ്പവൻ ദൈവം കട്ട,
മണ്ണിലുമുള്ളവൻ തന്നെ.
എങ്ങും നിറഞ്ഞോരവനെ നമ്മൾ
ക്കെങ്ങൊരേടത്തുണ്ടെന്നോതാം ?"
കുട്ടനുടനൊരു കല്ലും കൊണ്ടു
തട്ടിലൊരോട്ടമായോടി.
"നിങ്കളിയെന്തിതെന്നുണ്ണി ?" എന്നു
മങ്കവനെത്തടുത്തു.
"വാനത്തൊളികയോ ചെയ്തു ദൈവം?
ഞാനതു കണ്ടിരുന്നാലോ ?
കല്ലുകൊണ്ടൊന്നെറിഞ്ഞോട്ടെ ഞാനാ
ക്കള്ളന്റെ കാലൊടിച്ചോട്ടെ.
നാളെയും വന്നിടൊല്ലല്ലോ കട
ന്നാളുകളെക്കൊണ്ടുപോകാൻ,
അല്ലെങ്കിൽ വിട്ടുതരട്ടേ വേഗം
നല്ലൊരെന്നച്ഛനെയങ്ങോർ."
ഏതൊരു മട്ടിൽക്കരയും തള്ള
യേതൊരുമട്ടിൽച്ചിരിക്കും ?
"തങ്കമേ, ദൈവത്തിൻ മെയ്യിൽ ച്ചെന്നു
നിൻ കല്ലു കൊള്ളുകയില്ല :
വന്നു തിരിച്ചതു വീഴു മപ്പോൾ
നിന്നിളം പൂമെയ് മുറിയും.
കുമ്പിട്ടുനിന്നു തൊഴുതാ ലവ
നൻപിൽ നിന്നച്ഛനായ് ത്തീരും "
ആ മൊഴി കേൾക്കവേ കുഞ്ഞിൻ പനീർ
പ്പു മുഖമൊന്നു മലർന്നു.
"തീരുമോ ? നേരു പറയൂ ! തായേ."
"തീരും ; ഞാനാണയിട്ടോതാം."
"എന്തുതരുമച്ഛനായാൽ?" നിന
ക്കെന്തും നിനച്ചതു നൽകും."
"അമ്മയേയും കൊണ്ടുപോമോ വന്നാ
ലമ്മയുമില്ലാത്തോനല്ലേ ?"
"ഇല്ലില്ല ; കൂപ്പിത്തൊഴുതാ ലവ
നല്ലും പകലും തുണയ്ക്കും."
'ആവട്ടെ'യെന്നു പറഞ്ഞു പൈതൽ
ദൈവത്തോടിങ്ങനെ നേർന്നു.
"കൂറെന്നിലില്ലാത്തോരച്ഛ നെങ്ങോ
ദൂരത്തുപോയ്പോലും ; പോട്ടെ.
"കൂറുള്ളോരച്ഛനാണങ്ങെ ന്നമ്മ
നേരുചെയ്തു ഞാൻ കേട്ടു.
നിച്ചലുമങ്ങയെകൂപ്പാ മിനി
യച്ഛ്നെനിക്കാരു വേറെ ?"
നാഥന്‍റെ കാര്യം മറന്നു നല്ലാർ.
പൈതലിൻ പാൽമൊഴി കേൽക്കേ ;
'ഓമനേ ! യെന്നുവിളിച്ചു കുഞ്ഞിൻ
കോമളപ്പൂമെയ് മുകർന്നു.
Manglish Transcribe ↓
Ulloor esu. Parameshvarayyar=>ammayum makanum
aadiyum paadiyum mutta tthengu
modikkalikkunna kuttan ;
punchirithanchum mozhiko ndaarkkum
nenchaliyikkunna kuttan ;
ammayumachchhanum kymeyu mara
nnummaveccheedunna kuttan ;
kuttanteyachchhan makane yayyo !
vittathaa pokunnu vinnil.
maaratthalacchamma veezhu voo meni
yaaraattha kanneeril mukki.
onnumariyaattha kutta nudan
munniltthidukkatthiletthi.
thaayayekkettippunarnnu ; potti
ppaayunna kanneer thudacchu.
"amme, karavathenthamme ? Yennaa
nammanippythalin chodyam. Uttharamenthu parayu maval ?
puthranetthaangiyedutthu.
"en makane, ninteyachchhan thankam,
namme vedinjengo poyi."
"pacchappoliyithu" chonnaan maka
"nachchhanurangukayalle ?"
"allithurakkamallayyo ! Kunje,
illithil ninnorunaral."
"amme, vilikkaam njaa,nachchhan pette
nnen vilikettaalunarum."
"achchhaa, vilikkayaanachchhaa, kutta
nocchakettonnezhunelkkoo !
ammayekkalliyennothi kkure
nammalkku potticchirikkaam."
ethra vilikkukilenthaa vili
chatthapinamundo kelppoo ?
pedicchu thaayathan munnil mukham
vaaditthalarnnetthiyunni.
"amma paranjathu neraa nachchhan
namme vedinjathu thanne.
engupo, yengupoyu ? Chonnaa luda
nangu njaan chennu vilikkaam.
panthinum paavaykkum vendee ttoru
shandtakoodillennumothaam."
amma paranju : "makane yangu
nammalkku chelluvaan melaa.
dyvam vilicchittupoyu ni nnachchha
naavathonnillallo nammaal."
"achchhanillaatthavanaano dyva "
"machchhanumammayumatton."
achchhanillaanjaalathinnu nammo
deecchathi cheyyaamo thaaye ?
engavan chennu maranju nammal
kkinganeyatthal varutthi ?"
"vinnilirippavan dyvam katta,
mannilumullavan thanne.
engum niranjoravane nammal
kkengoredatthundennothaam ?"
kuttanudanoru kallum kondu
thattilorottamaayodi.
"ninkaliyenthithennunni ?" ennu
mankavanetthadutthu.
"vaanattholikayo cheythu dyvam?
njaanathu kandirunnaalo ?
kallukondonnerinjotte njaanaa
kkallante kaalodicchotte.
naaleyum vannidollallo kada
nnaalukalekkondupokaan,
allenkil vittutharatte vegam
nallorennachchhaneyangor."
ethoru mattilkkarayum thalla
yethorumattilcchirikkum ?
"thankame, dyvatthin meyyil cchennu
nin kallu kollukayilla :
vannu thiricchathu veezhu mappol
ninnilam poomeyu muriyum.
kumpittuninnu thozhuthaa lava
nanpil ninnachchhanaayu ttheerum "
aa mozhi kelkkave kunjin paneer
ppu mukhamonnu malarnnu.
"theerumo ? Neru parayoo ! Thaaye."
"theerum ; njaanaanayittothaam."
"enthutharumachchhanaayaal?" nina
kkenthum ninacchathu nalkum."
"ammayeyum kondupomo vannaa
lammayumillaatthonalle ?"
"illilla ; kooppitthozhuthaa lava
nallum pakalum thunaykkum."
'aavatte'yennu paranju pythal
dyvatthodingane nernnu.
"koorennilillaatthorachchha nengo
dooratthupoypolum ; potte.
"koorullorachchhanaanange nnamma
nerucheythu njaan kettu.
nicchalumangayekooppaa mini
yachchhnenikkaaru vere ?"
naathanre kaaryam marannu nallaar.
pythalin paalmozhi kelkke ;
'omane ! Yennuvilicchu kunjin
komalappoomeyu mukarnnu.