ആത്മാർപ്പണം
കുമാരനാശാൻ=>ആത്മാർപ്പണം
എൻ.
സചേതനാചേതനമിപ്രപഞ്ചം
സർവം വിളക്കുന്ന കെടാവിളക്കേ
സമസ്തഭവ്യങ്ങളുമുള്ളിലാഴ്ത്തും
സ്നേഹപ്പരപ്പിൻ‌കടലേ, തൊഴുന്നേൻ.
തെളിക്കയെൻ‌കണ്ണുകൾ കൂരിരുട്ടും
തിക്കുന്ന മഞ്ഞും ഭഗവൻ, തുടയ്ക്ക
വിളിക്കയമ്പാർന്നവിടുത്തെ മുൻപിൽ
വിരഞ്ഞു തപ്പിത്തടയുന്നൊരെന്നെ.
അല്ലെങ്കിലിക്കാടുകൾ വെട്ടിനീക്കി
യകത്തെഴുന്നള്ളുക,യെൻ‌കുടിഞ്ഞിൽ
അരക്ഷണം വിശ്രമമഞ്ചമാക്കി
യങ്ങെന്‍റെ “ആത്മാർപ്പണ”മേറ്റുകൊൾക.
മഹാവനം നിൻ മലർവാടിയാക,
മുള്ളൊക്കെയും നൻ‌മുകുളങ്ങളാക,
മഹേശ, നിൻ സന്നിധികൊണ്ടു ദുഷ്ട
മൃഗങ്ങളും ഗായകദേവരാക.
സർവം മറന്നിന്നൊരു പാറ്റപോൽ നിൻ
സംസർഗ്ഗനിർവാണരസത്തിൽ മുങ്ങാൻ
കാമിപ്പൂ ഞാനീശ്വര, കാൽക്ഷണം നീ
കാണിക്കയമ്പാർന്ന മുഖാരവിന്ദം.
Manglish Transcribe ↓
Kumaaranaashaan=>aathmaarppanam
en. Sachethanaachethanamiprapancham
sarvam vilakkunna kedaavilakke
samasthabhavyangalumullilaazhtthum
snehapparappinkadale, thozhunnen. Thelikkayenkannukal kooriruttum
thikkunna manjum bhagavan, thudaykka
vilikkayampaarnnavidutthe munpil
viranju thappitthadayunnorenne. Allenkilikkaadukal vettineekki
yakatthezhunnalluka,yenkudinjil
arakshanam vishramamanchamaakki
yangenre “aathmaarppana”mettukolka. Mahaavanam nin malarvaadiyaaka,
mullokkeyum nanmukulangalaaka,
mahesha, nin sannidhikondu dushda
mrugangalum gaayakadevaraaka. Sarvam maranninnoru paattapol nin
samsargganirvaanarasatthil mungaan
kaamippoo njaaneeshvara, kaalkshanam nee
kaanikkayampaarnna mukhaaravindam.