ഒരു ഉദ്‌ബോധനം
കുമാരനാശാൻ=>ഒരു ഉദ്‌ബോധനം
എൻ.
സൂര്യൻ കിഴക്കുദിക്കാറായ്
സരഘാനിവഹങ്ങളേ!
സ്വാതന്ത്ര്യമധു തേടീടാൻ
സോത്സാഹമെഴുനേൽക്കുവിൻ.
പറന്നുപോവിൻ പുഷ്പങ്ങ
ളെങ്ങെന്നാലങ്ങു ചെല്ലുവിൻ!
പുലർകാലത്തു തേനീച്ച
യുറങ്ങാ സുദിനങ്ങളിൽ.
ഭിന്നവർണ്ണങ്ങൾ പൂക്കൾക്കു
ഭഗവാനു ചിത്രഭാനുതാൻ
ഔദാര്യമാർന്നു നൽകുന്നു
നിങ്ങൾക്കുത്സാഹമേറ്റുവാൻ.
തുല്യമായ് സർവസുമവും
തലോടി മണമാർന്നിതാ
പ്രഭാതവായു പോകുന്നു
പോവിൻ നിങ്ങളതേവഴി.
വീട്ടിലോ നാട്ടിലോ വല്ല
കാട്ടിലോ മേട്ടിലോ സ്വയം
പൂവു സൃഷ്ടിച്ച കൈയങ്ങു
വിളിക്കുന്നുണ്ടു നിങ്ങളെ.
ചെന്നമ്മലരിനെല്ലാവും
ദളം ദ്വിഗുണമാർന്നപോൽ
ചിറകർപ്പിച്ചു പോകർക്കു
ചേർപ്പിൻ കണ്ണിനു കൗതുകം.
സ്വയം മുകുളജാലത്തി
നുള്ളത്തിലമൃതാക്ഷരം
ഉപദേശിച്ചു സദ്‌ബോധ
മുണ്ടാക്കി മധുവുണ്ണുവിൻ.
മന്ത്രിക്കുവിൻ കൂടി നാനാ
മാർഗ്ഗത്തൂടെ ചരിക്കുവിൻ
വെവ്വേറായ് മോക്ഷമാർജ്ജിപ്പി
നൊന്നായ് ചേർന്നതു കാക്കുവിൻ.
തരുശാഖയിലോ താഴെ
പ്പൊത്തിലോ കന്ദരത്തിലോ
ഗൃഹകോടിയിലോ സംഘം
കൂടി ക്ഷേമം നിനയ്ക്കുവിൻ.
ഉപദ്രവിക്കായുവിൻ പോ
യൊരു ജന്തുവിനേയുമേ
അപായം തടയാൻ ഘോര
ഹുങ്കാരം കൂട്ടി നിൽക്കുവിൻ.
തേനോളം സ്വാദ്യമായ് ലോക
ത്തെങ്ങുമില്ലാർക്കുമൊന്നുമേ
അതിന്റെയപഹർത്താക്ക
ളത്രേയസുരരോർക്കുവിൻ.
മുഖത്തുണ്ടിന്നു നിങ്ങൾക്കു
ദൈവദത്തമൊരായുധം
മൃദുവെന്നാകിലും തീക്ഷ്ണം
പേടിക്കുമതു വൈരികൾ.
വഞ്ചിശ്രീയെക്കവരുവാൻ
പണ്ടു വന്നൊരു മുഷ്കരൻ
മുകിലൻ പടയോടൊത്തു
മുടിഞ്ഞു മക്ഷികാളിയാൽ.
അതോർക്കും ധൂർത്തരീയുഗ്ര
സംഘം കണ്ടു ഭയപ്പെടും
ന്യായസ്ഥരുടെ ശൗര്യത്തെ
വിശേഷിച്ചഞ്ചുമാരുമേ.
മുറിവേൽ‌പ്പിക്കിലും ധൂർത്തർ
പത്രം ചുട്ടുകരിക്കിലും
മുഷ്ക്കിന്നു കീഴടങ്ങാതെ
മരിപ്പോളം തടുക്കുവിൻ.
മലക്കുണ്ടിൽ മറിഞ്ഞെത്ര
കീടം ചാകുന്നു നാൾക്കുനാൾ
മധുകാത്തുറ്റ തേൻ‌കൂട്ടിൽ
മരിപ്പിൻ നിങ്ങൾ വേണ്ടുകിൽ.
സ്വാതന്ത്ര്യംതന്നെയമൃതം
സ്വാതന്ത്ര്യംതന്നെ ജീവിതം
പാരതന്ത്ര്യം മാനികൾക്കു
മൃതിയെക്കാൾ ഭയാനകം.
സ്വാതന്ത്ര്യമധു തേടീടാൻ
സരഘാനിവഹങ്ങളേ
തുണയ്ക്കും നിങ്ങളെദ്ദീന
ദയാലു ജഗദീശ്വരൻ.
Manglish Transcribe ↓
Kumaaranaashaan=>oru udbodhanam
en. Sooryan kizhakkudikkaaraayu
saraghaanivahangale! Svaathanthryamadhu thedeedaan
sothsaahamezhunelkkuvin. Parannupovin pushpanga
lengennaalangu chelluvin! Pularkaalatthu theneeccha
yurangaa sudinangalil. Bhinnavarnnangal pookkalkku
bhagavaanu chithrabhaanuthaan
audaaryamaarnnu nalkunnu
ningalkkuthsaahamettuvaan. Thulyamaayu sarvasumavum
thalodi manamaarnnithaa
prabhaathavaayu pokunnu
povin ningalathevazhi. Veettilo naattilo valla
kaattilo mettilo svayam
poovu srushdiccha kyyangu
vilikkunnundu ningale. Chennammalarinellaavum
dalam dvigunamaarnnapol
chirakarppicchu pokarkku
cherppin kanninu kauthukam. Svayam mukulajaalatthi
nullatthilamruthaaksharam
upadeshicchu sadbodha
mundaakki madhuvunnuvin. Manthrikkuvin koodi naanaa
maarggatthoode charikkuvin
vevveraayu mokshamaarjjippi
nonnaayu chernnathu kaakkuvin. Tharushaakhayilo thaazhe
ppotthilo kandaratthilo
gruhakodiyilo samgham
koodi kshemam ninaykkuvin. Upadravikkaayuvin po
yoru janthuvineyume
apaayam thadayaan ghora
hunkaaram kootti nilkkuvin. Thenolam svaadyamaayu loka
tthengumillaarkkumonnume
athinteyapahartthaakka
lathreyasurarorkkuvin. Mukhatthundinnu ningalkku
dyvadatthamoraayudham
mruduvennaakilum theekshnam
pedikkumathu vyrikal. Vanchishreeyekkavaruvaan
pandu vannoru mushkaran
mukilan padayodotthu
mudinju makshikaaliyaal. Athorkkum dhoortthareeyugra
samgham kandu bhayappedum
nyaayastharude shauryatthe
visheshicchanchumaarume. Murivelppikkilum dhoortthar
pathram chuttukarikkilum
mushkkinnu keezhadangaathe
marippolam thadukkuvin. Malakkundil marinjethra
keedam chaakunnu naalkkunaal
madhukaatthutta thenkoottil
marippin ningal vendukil. Svaathanthryamthanneyamrutham
svaathanthryamthanne jeevitham
paarathanthryam maanikalkku
mruthiyekkaal bhayaanakam. Svaathanthryamadhu thedeedaan
saraghaanivahangale
thunaykkum ningaleddheena
dayaalu jagadeeshvaran.