കുമാരനാശാൻ=>ഗരിസപ്പാ അരുവി അല്ലെങ്കിൽ ഒരു വനയാത്ര

എൻ.

ആറായി കൊല്ലമതുമല്ലഥ സംഭവങ്ങൾ

നൂറായതിന്നുപരിയെങ്കിലുമോർമ്മതന്നിൽ

മാറാതെ, മേൽ മണൽപെടും നിഴൽപോലെ പൊങ്ങു

മാറായി കൗതുകമൊടാ വനയാത്രയിന്നും



എന്നല്ലയന്നു സുഖജാഡ്യമിയന്ന ചിത്ത

മിന്നർന്നിതുൽകലികയക്കഥ പാടുവാനും

സ്പന്ദിച്ചിടാതരിയ പൂമധുവുണ്ടു തെല്ലു

മന്ദിച്ചിരുന്നു മുരളുന്നൊരു വണ്ടുപോലെ.



കാണുന്നു ഞാനരുവി വീഴുവതിപ്പൊഴും, മൽ

പ്രാണങ്ങൾ നിർവൃതികലർന്നതിൽ നിന്നിടുന്നു

വാണിക്കതിൽത്തുനിയുവാൻ വിരുതറ്റപോലെ

പോണായതാദ്യമതിദൂരവനത്തെ വാഴ്ത്താൻ



തുംഗാതടം മുതൽ വടക്കു തുടർന്നു കാണും

ശൃഗംങ്ങൾമേൽ മിഴിയെയിന്നുമിഴച്ചിടുന്നു

തുംഗാനുബന്ധികൾ നഭ:സ്ഥലി തന്നെ വേട്ട

ഭൃംഗാസിതച്ഛവികൾ പശ്ചിമപർവ്വതങ്ങൾ



ചൊൽക്കൊണ്ടിടുന്ന ‘ശിമഗാ’നഗരത്തിൽ നിന്നു

മക്കാളവണ്ടി വഴിയേ നെടുരഥ്യയുടെ

ഉൾക്കൊണ്ട കൗതുകമുരപ്പതിനിഷ്ടരെന്യേ

യുൽക്കണ്ഠപൂണ്ടു വനഭൂവണയുന്നിതാ ഞാൻ



സാലങ്ങൾ വിട്ടുപരി പൂങ്കൊടി സഞ്ചരിക്കു

മ്പോലംബരത്തിൽ മയിൽ വട്ടമിടും വനങ്ങൾ

ഹാ! ലക്ഷ്യമായി, നടകൊൾവൊരു ഗണ്ഡശൈല

ജാലംകണക്കുലയുമാനയെഴും സ്ഥലങ്ങൾ



തത്സീമതന്നില’യനൂരി’ലൊരേടമെത്തി

മൽ‌സൗഹൃദൈകനിധി വാഴ്വതു നോക്കിനോക്കി

ഉത്സാഹമത്ഭുതമിവറ്റയൊടെന്‍റെയുള്ളി

ലൗത്സുക്യവും ത്വരയുമായ് വഴി നീങ്ങിടുന്നു.



ആരണ്യപുഷ്പനിരയല്ലഥ ബംഗളൂരു

ള്ളാരാമരമ്യ കുസുമോൽകരമൊന്നുമല്ല

ദൂരത്തിലാപ്രിയതയാർന്ന മുഖങ്ങളൊട്ടു

താരങ്ങൾതാണവിടെ നില്പതുപോൽ സ്ഫുരിപ്പൂ.



ചിന്തിക്കിലിന്നുമതഹോ നവഹർഷബാഷ്പം

ചിന്തുന്നു കണ്ണി,ലതിരറ്റെഴുമേ പ്രമോദം

സ്വന്തംഗൃഹങ്ങളിലുമിഷ്ടരണഞ്ഞിറ്റുമ്പോ

ളെന്താകണം കഥ വിദേശവനാന്തരത്തിൽ!



സ്നേഹം ജഗത്തിതിനു ജീവിതമാം നിനയ്ക്കിൽ

മോഹാന്തജീവിതമതിന്നുമഹോ വിളക്കാം

ആകാന്തകോശംഹ ഞാനെഴുതീടിലേകും

സ്നേഹത്തിനാത്മസുഖമെന്നൊരു സംജ്ഞകൂടി



ലോകാനുരാഗമിയലാത്തവരേ, നരന്‍റെ

യാകാരമാർന്നിവിടെ നിങ്ങൾ ജനിച്ചിടായ്‌വിൻ

ഏകാന്തനിർമ്മമതരേ, വെറുതേ വനത്തി

ന്നേകാന്തമാം ഗുഹവെടിഞ്ഞു വെളിപ്പെടായ്‌വിൻ.



എത്തുന്നതേ മിഴിയിലെന്നിലുദിക്കുമൻപാൽ

വിസ്താരിതേക്ഷണമെഴും സുകുഖൻ സഖാതാൻ

പ്രത്യക്ഷമായ് വിദുഷിയാം പ്രിയയോടുമെന്മേ

ലത്യന്തമുൾപ്രിയമിയന്ന കിടാങ്ങളോടും.



ഓർക്കുന്നിതങ്ങവർ മുസാവരിതന്നിലെന്നെ

പ്പാർക്കുന്നതും കുളികഴിഞ്ഞു കൂതൂഹലത്താൽ

നോക്കിന്നുനോക്കൂ, മകമേ പ്രിയമേലുമോരോ

വാക്കിന്നുവക്കുമരുളുന്നതുമുണ്മതും ഞാൻ



ചിന്തിപ്പൂ, പോയൊടുവിലച്ചെറുകാനനത്തിൽ

ചന്തങ്ങൾ കണ്ടിടയിൽ നില്പതിരിപ്പതും ഹാ!

സന്തുഷ്ടിപൂണ്ടുഴറി ഞങ്ങൾ നികേതനത്തി

ലന്തിക്കുമുമ്പണവതും പതഗങ്ങൾപോലെ.



പാരം തെളിഞ്ഞ ഹൃദയങ്ങളിലങ്ങു കണ്ട

തോരോന്നുമാശു നിഴലിച്ചു കിനാവു കണ്ടും

തീരാത്ത കൗതുകഭരത്തൊടടുത്തനാൾ ഹാ!

നേരം വെളുപ്പതിനുമുമ്പുണരുന്നു ഞങ്ങൾ.



ആലോലമൂതുമൊരു കാറ്റിലഹോ ജനത്തി

ന്നാലാപമേതുമിയലാത്ത വനാന്തഭൂവിൽ

കാലത്തുണർന്നു കളനാദമെഴുന്ന പക്ഷി

ജാലങ്ങൾ പാടിടുവതാത്മസുഖം തരുന്നു.



പോകാതെയും ശിശിരമുദ്ഭടപുഷ്പകാല

മാകാതെയും സ്വയമുഷസ്സിൽ ഹിമാർദ്രമായും

ഏകുന്നു കൗതുക, മിളംതളിരാർന്നു, കന്യാ

പാകത്തിൽനിന്നു, പരിശുദ്ധവനാന്തഭംഗി.



കാണുന്നു ഞങ്ങളണപൊട്ടിയപോൽക്കിഴക്കു

ചേണാർന്നു ചിന്തുമരുണാരുണകാന്തിപുരം

ക്ഷോണീതലം നിറവതും ഹിമശീകരങ്ങൾ

മാണിക്യശോഭ തടവുന്നതുമൊട്ടുനേരം.



അന്നന്തിയാവതിനകം `ബനവല്ലി’യെത്താ

നൊന്നിച്ചു കൗതുകമൊടൊത്തു തിരിച്ചു ഞങ്ങൾ

ചെന്നീടവേ ധരയുമംബരവും മറച്ചു

നിന്നീടുമായടവിയുള്ളമുലച്ചു പാരം.



മെല്ലെന്നു ശാഖികളിലൂതിയ കാറ്റിലൂർമ്മി

തല്ലുന്നപോലിളകിനിന്ന മഹാവനത്തിൽ

ഉല്ലാസമാർന്നു നടുവേ മുഴുകുന്നു ഞങ്ങ

ളെല്ലാവരും കടലിൽ മത്സ്യഗണംകണക്കെ.



സൂര്യൻ പുറത്തെഴുമിരുട്ടുമകത്തു കാറ്റിൻ

കാര്യം വെടിഞ്ഞ നിലയും സുഖമാം തണുപ്പും

പര്യാകുലം കിളികൾതൻസ്വനവും മരത്തിൻ

നിര്യാസഗന്ധവുമഹോ! കവരുന്നു ചിത്തം.



നോക്കുന്ന ദിക്കുകളിലൊക്കെ മഹാതരുക്കൾ,

പൂക്കും മഹാലതകൾ, ഭൂരി മുളന്തടങ്ങൾ,

നിൽക്കാതെ വെള്ളിലകൾ വീണവ മെത്തയായു

ള്ളക്കാട്ടിലെത്തറകളാരിഹ വാഴ്ത്തുമെല്ലാം!



ഓടിപ്പൂ ബാഹ്യകരണങ്ങളെ ഞങ്ങളെ, കാട്ടിൻ

മോടിപ്രഭാവമതിലങ്ങവ മങ്ങി നില്പൂ

ക്രീഡിച്ചു വാടിയ കിടാങ്ങൾകണക്കെ വൃഷ്ടി

താഡിച്ച പിച്ചിമലരിൻ നികരംകണക്കെ.



കണ്ടാ മനൊജ്ഞതകൾ കുട്ടികൾ വിസ്മയിച്ചു

കൊണ്ടാശു ഞങ്ങടെ മുഖങ്ങളിൽ നോക്കിയും ഹാ!

കൊണ്ടാടി ഞങ്ങളിതരേതരവും മിഴിച്ചു

മിണ്ടാതിരിപ്പു ശിവനേ! മൊഴി തോന്നിടാതെ.



പെട്ടെന്നു ഞങ്ങളൊരലൗകികമാം സുഖത്തിൽ

പ്പെട്ടെന്തിവണ്ണ? മഥവാ സ്വയമാദിശക്തി

വെട്ടിത്തെളിച്ചു, വികൃതാകൃതിയാക്കിടാതെ

വിട്ടുള്ള ഭൂപ്രകൃതിഭംഗിയിൽ വാഴ്വു ദേഹി.



ഓടാതെ, കണ്ഠ്മണിനാദമെഴാതെ, ഭക്തി

തേടുന്നവാറിവിടെ മന്ദമഹോ നടപ്പൂ

ഈടാർന്ന വണ്ടിയെയിഴച്ചിണയൊത്ത മൈസൂർ

മാടും മലഞ്ചെരിവിൽ വെണ്മുകിലിൻദ്വയം‌പോൽ.



ഒട്ടപ്പുറത്തുടനെ ഞങ്ങൾ ദിനേശരശ്മി

പെട്ടങ്ങുമിങ്ങുമിടവിട്ട മരങ്ങൾ കണ്ടൂ

പെട്ടെന്നു വീർപ്പുതടവു, മനവും കിനാവു

വിട്ടങ്ങുഷസ്സിലുണരും ശിശുപോൽക്കളിപ്പൂ.



നൂനം മനോഹരവനങ്ങളിലിച്ഛപോലെ

യാനന്ദമാർന്നു മരുവും ചരജീവിവൃന്ദം

ജ്ഞാനം വഹിക്കുകിലവറ്റയിലേകമാവാൻ

ഞാനെപ്പോഴും മതിയിൽ മോഹമിയന്നിടുന്നു.



നിൽക്കാമടുത്തിവിടെയാന മുളന്തടത്തിൽ

ഇക്കണ്ട വള്ളിമറയിൽക്കടുവാ കിടക്കാം

അക്കാര്യമോർത്തടവിയിൽ പ്രണയം വിടുന്നി

ല്ലുൾക്കാമ്പു പേടിയറിയാ സുഖമേറിടുമ്പോൾ.



വിണ്ണറ്റമാഞ്ഞുവളരും മുളതന്‍റെ മൈലിൻ

കണ്ണറ്റ പീലിസമമാം തഴ കാറ്റിലാടി

തിണ്ണെന്നഴുക്കുകൾ തുടച്ചു നഭസ്സിൽ നീല

വർണ്ണം പുതുക്കിടുകയല്ലി വസന്തമെത്താൻ?



കെട്ടിശ്ശിശുക്കളെയിഴച്ചു മരത്തിലൊന്നു

വിട്ടൊന്നിലൂക്കോടു കുരങ്ങുകൾ ചാടീടുമ്പോൾ

പൊട്ടിച്ചിരിച്ചു വഴിമേലരുളുന്നു ഞങ്ങൾ

ക്കൊട്ടേറെ മോദമതിവിസ്മിതരാം കിടാങ്ങൾ.



പോയാശു ഞങ്ങളഥ വണ്ടിയിൽ നിന്നിറങ്ങി

സ്സയാഹ്നശോഭയതു കണ്ടു നടന്നു മന്ദം

ആയാസമെന്നിയണയുന്നു ഖഗങ്ങൾ കുറവും

തോയാശയത്തിനരികിൽച്ചെറു ബങ്കിളാവിൽ.



നില്ലാതെ പോയ് ശിശിരമേറെ വിടർന്ന പൂക്ക

ളില്ലായ്കിലും നെടിയ പൊയ്ക തരുന്നു മോദം

വല്ലാത്ത രോഗവിഷമസ്ഥിതി വിട്ടു മെല്ലെ

യുല്ലാഘഭാവമെഴുമിഷ്ടജനം കണക്കെ.



ആർത്തും വിളിച്ചുമിടയിൽച്ചിറകാഞ്ഞടിച്ചു

നീർത്തുള്ളിപാറി നിരയായ് നിരയായ്പ്പറന്നും

പേർത്തും ജലോപരി പതിച്ചുമുഴന്നു പക്ഷി

ച്ചർത്തുല്പതിച്ചുമിത ചേക്കു തിരഞ്ഞിടുന്നു.



മേയുന്ന കാലികളുമൊത്തിടയക്കിടാങ്ങൾ

പോയുള്ള പുല്ലുകൾ നിറഞ്ഞ നിലത്തിലൂടെ

തേയാത്തൊരോർമ്മ തരുമപ്പകൽ പൊയ്കവക്കിൽ

മായുന്നതോർത്തവിടെ ഞങ്ങൾ നടന്നിടുന്നു.



ദൂരത്തു പശ്ചിമതടത്തിലെരിഞ്ഞടങ്ങും

സൂര്യന്‍റെ കാന്തിയുമിരുട്ടുമിടഞ്ഞിടുന്നു

ഊരിൽക്കൊളുത്തിയ വിളക്കുകൾ പൊങ്ങിടാത്ത

താരങ്ങൾപോലകലെ മങ്ങി വിളങ്ങിടുന്നു.



മേടാകുമസ്ഥലമതിൽച്ചെറുബങ്കിളാവിൽ

ക്കൂടാരമപ്പരിജനങ്ങളൊരുക്കി മുമ്പേ

വീടാക്കിയൂണിനുമുറക്കിനുമേതുമല്ലൽ

കൂടാതെ രാത്രിയിലതിൽക്കഴിയുന്നു ഞങ്ങൾ.



മിണ്ടാതെ കുട്ടികൾ കിടക്കയണഞ്ഞു, കൂമ്പും

തണ്ടാരുപോലെ മിഴിപൂട്ടിയുറങ്ങിടുമ്പോൾ

കണ്ടാളെഴാത്ത മലനാട്ടിലെ രാവു ഞങ്ങൾ

രണ്ടാമതും വെളിയിലെത്തിയിരുന്നിടുന്നു.



അന്തിക്കു മൊട്ടുകൾ വിടർന്നൊരു കാട്ടുമുല്ല

ചിന്തും മണത്തൊടു തണുത്തു കൊഴുത്ത തെന്നൽ

പന്തിക്കു ചെറ്റു പനിനീരു പൊടിഞ്ഞു വീശി

യെന്തുള്ളലിഞ്ഞു കളഭം കുടയുന്നതല്ലീ?



ചാരത്തു കായ്നിര പഴുത്തു മണം കലർന്ന

പേരാലിൽ വന്നു കടവാതിൽ നിറഞ്ഞുപോയി

നേരേ നിലാവതിൽ മുതിർന്നു പറന്നു മൂങ്ങ

യോരോരു മൂലകളിൽ മൂളിയിരുപ്പുമായി.



എങ്ങും പരക്കുമൊരുമൂടലിയന്നുമങ്ങു

മിങ്ങും ചടച്ചു വിളറും ചെറുകൊണ്ടലാർന്നും

മങ്ങും നിലാവിൽ മരവും നിഴലും നിലത്തി

ലങ്ങങ്ങു രാവിരുളു കൂട്ടുവതോ നിരത്താൻ?



ഏറുന്നൊരിമ്പമതിനാൽ മൊഴിവിട്ടു ഞങ്ങൾ

കൂറാർന്നിടുന്നു തനിയേ വെറുതേയിരിപ്പിൽ

പാരില്പ്പലേ സുഖമയൂഖഗണത്തിനൊറ്റ

വേരായടിക്കു വിലസും രവി മൗനമത്രേ.



വിട്ടങ്ങിരിക്കവെയുടൻ മലർപോയൊഴിഞ്ഞ

ഞെട്ടാക്കിയുള്ളിലണയും തനതോമലാളെ

ഒട്ടോർത്തിരുന്നിനിയ തോഴർ തുടർന്നുപോയ

മട്ടും മറന്നവിടെ ഞാൻ തനിയേയിരിപ്പൂ.



വായ്ക്കുന്നതില്ല മതിയാർന്ന വെളിച്ചമെങ്ങും

നോക്കുന്ന താരകങ്ങൾ നിന്നു മയങ്ങിടുന്നു

കേൾക്കുന്നതുണ്ടു ചെറുകാറ്റിനിരമ്പൽ മെല്ലെ

ക്കൂർക്കം‌വലിച്ചുലകുതന്നെയുറങ്ങുകല്ലീ?

അനുബന്ധം

രണ്ടായി കൊല്ലമതുമല്ലിതിനുള്ളിലേറെ

യുണ്ടായി സംഭവമിതൊക്കെ മറക്കിലുംതാൻ

തിണ്ടാടിയോർമ്മയിലഹോ നിഴൽപോലെ പൊങ്ങു

ന്നുണ്ടോ കൂതുഹലവുമാ വനയാത്രതാനും.



എന്നല്ലയന്നു സുഖമൂകതയഅർന്ന ചിത്ത

മിന്നേറ്റമുൽക്കലികയാർന്നിതു പാടുവാനും

സ്പന്ദിച്ചിടാതെ പുതുപൂമധുവുണ്ടു പാരം

മന്ദിച്ചിരുന്നു മുരളുന്നൊരു വണിപോലെ.



കാണുന്നു മുമ്പരുവി ഞാൻ, അതിൽ നിന്നുടുന്നെൻ

പ്രാണങ്ങൾ നിർവൃതികലർന്നുടനെങ്കിലും താൻ

വാണീ മദീയയതിൽ വൈഭവമറ്റപോലെ

പോണിന്നു പിൻവഴിയിലുള്ള വനാന്തരത്തിൽ.



തുംഗാതടം മുതൽ വടക്കു തുടർന്നുകാണും

ശൃംഗങ്ങൾമേൽ മിഴിയെയിന്നുമിഴച്ചിടുന്നു

തുംഗാനുബന്ധികൾ നഭ:സ്ഥലിതന്നെ വേട്ട

ഭൃംഗാസിതച്ഛവികൾ പശ്ചിമപർവ്വതങ്ങൾ.



ഹാ! ലക്ഷ്യമായ് ലളിതജംഗമഗണ്ഡശൈല

ജാലത്തൊടൊത്ത ഗജയൂഥസമാകുലങ്ങൾ

സാലങ്ങൾ വിട്ടിത ലതാവലയം പറക്കും

പോലംബരത്തിൽ മയിൽ വട്ടമിടും വനങ്ങൾ.



വായ്ക്കും സുഖം വിജനനഷ്ടവികാസമാകാ

താക്കീയിനിക്കു വിധി, കണ്ടയി(?) സൗഹൃദത്താൽ

ആക്കാടു കാണ്മതിനണഞ്ഞ 'യനൂരി'ലെന്നെ

ക്കാക്കുന്നൊരു പ്രിയമുഖങ്ങളെയിന്നിതാ ഞാൻ.



ആഹാ സുഹൃത്തമസമാഗമസൗഖ്യമെത്ര

മോഹാസ്പദം സ്വയമതും പുനരന്യനാട്ടിൽ

സ്നേഹാകുലത്വമൊടു പിന്നൊരു കാട്ടിൽ ഏതു

സൗഹാർദ്ദതയൊഴിഞ്ഞഥവാ സുഖം‌താൻ.



ലോകാനുരാഹവിമുഖാത്മഗണങ്ങളേ, മർ

ത്ത്യാകാരമാർന്നിവിടെ നിങ്ങൾ ജനിച്ചിടായ്‌വിൻ

ഏകാന്തനിർമ്മമതരേ ബത! നിങ്ങൾ നാട്ടി

ലേകാന്തമാം ഗുഹയിൽനിന്നു പുറപ്പെടായ്‌വിൻ.



നെഞ്ചൊത്തുകൂടിയൂരുനിർവൃതിയാർന്നു നീളെ

ച്ചഞ്ചൊത്തെഴുന്ന വനശോഭകളാസ്വദിപ്പാൻ

ചാഞ്ചാടുമിന്ദ്രിയപശുക്കളെ മേച്ചുപോന്നു

വാഞ്ച്ഛാനുകൂലമിത ഗോപർകണക്കെ ഞങ്ങൾ.



പോകാതെയും ശിശിരമുദ്ഭടപുഷ്പകാല

മാകാതെയും ദിനമുഖങ്ങളിലാർദ്രമായും

ഏകുന്നു കൊഉതുകമിളന്തളിരാർന്നു കന്യാ

പാകത്തിൽനിന്നു പരിശുദ്ധവനാന്തഭംഗി.



അഗ്രാഭകണ്ടണയുമാറ റിയാതെയക്ഷ

പ്രഗ്രാഹി ഞങ്ങളെയിതഅ കബളീകരിച്ചു

അഗ്രാഹ്യസീമമതിദുർഗ്ഗമമാളെഴാത്തൊ

രുഗ്രാടവീതടമുദാരമനോഭിരാമം.

---

Manglish Transcribe ↓

---

Kumaaranaashaan=>garisappaa aruvi allenkil oru vanayaathra

en. Aaraayi kollamathumallatha sambhavangal

nooraayathinnupariyenkilumormmathannil

maaraathe, mel manalpedum nizhalpole pongu

maaraayi kauthukamodaa vanayaathrayinnum



ennallayannu sukhajaadyamiyanna chittha

minnarnnithulkalikayakkatha paaduvaanum

spandicchidaathariya poomadhuvundu thellu

mandicchirunnu muralunnoru vandupole. Kaanunnu njaanaruvi veezhuvathippozhum, mal

praanangal nirvruthikalarnnathil ninnidunnu

vaanikkathiltthuniyuvaan viruthattapole

ponaayathaadyamathidooravanatthe vaazhtthaan



thumgaathadam muthal vadakku thudarnnu kaanum

shrugamngalmel mizhiyeyinnumizhacchidunnu

thumgaanubandhikal nabha:sthali thanne vetta

bhrumgaasithachchhavikal pashchimaparvvathangal



cholkkondidunna ‘shimagaa’nagaratthil ninnu

makkaalavandi vazhiye nedurathyayude

ulkkonda kauthukamurappathinishdarenye

yulkkandtapoondu vanabhoovanayunnithaa njaan



saalangal vittupari poonkodi sancharikku

mpolambaratthil mayil vattamidum vanangal

haa! Lakshyamaayi, nadakolvoru gandashyla

jaalamkanakkulayumaanayezhum sthalangal



thathseemathannila’yanoori’loredametthi

malsauhrudykanidhi vaazhvathu nokkinokki

uthsaahamathbhuthamivattayoden‍reyulli

lauthsukyavum thvarayumaayu vazhi neengidunnu. Aaranyapushpanirayallatha bamgalooru

llaaraamaramya kusumolkaramonnumalla

dooratthilaapriyathayaarnna mukhangalottu

thaarangalthaanavide nilpathupol sphurippoo. Chinthikkilinnumathaho navaharshabaashpam

chinthunnu kanni,lathirattezhume pramodam

svanthamgruhangalilumishdarananjittumpo

lenthaakanam katha videshavanaantharatthil! Sneham jagatthithinu jeevithamaam ninaykkil

mohaanthajeevithamathinnumaho vilakkaam

aakaanthakoshamha njaanezhutheedilekum

snehatthinaathmasukhamennoru samjnjakoodi



lokaanuraagamiyalaatthavare, naran‍re

yaakaaramaarnnivide ningal janicchidaayvin

ekaanthanirmmamathare, veruthe vanatthi

nnekaanthamaam guhavedinju velippedaayvin. Etthunnathe mizhiyilenniludikkumanpaal

visthaarithekshanamezhum sukukhan sakhaathaan

prathyakshamaayu vidushiyaam priyayodumenme

lathyanthamulpriyamiyanna kidaangalodum. Orkkunnithangavar musaavarithannilenne

ppaarkkunnathum kulikazhinju koothoohalatthaal

nokkinnunokkoo, makame priyamelumoro

vaakkinnuvakkumarulunnathumunmathum njaan



chinthippoo, poyoduvilaccherukaananatthil

chanthangal kandidayil nilpathirippathum haa! Santhushdipoonduzhari njangal nikethanatthi

lanthikkumumpanavathum pathagangalpole. Paaram thelinja hrudayangalilangu kanda

thoronnumaashu nizhalicchu kinaavu kandum

theeraattha kauthukabharatthodadutthanaal haa! Neram veluppathinumumpunarunnu njangal. Aalolamoothumoru kaattilaho janatthi

nnaalaapamethumiyalaattha vanaanthabhoovil

kaalatthunarnnu kalanaadamezhunna pakshi

jaalangal paadiduvathaathmasukham tharunnu. Pokaatheyum shishiramudbhadapushpakaala

maakaatheyum svayamushasil himaardramaayum

ekunnu kauthuka, milamthaliraarnnu, kanyaa

paakatthilninnu, parishuddhavanaanthabhamgi. Kaanunnu njangalanapottiyapolkkizhakku

chenaarnnu chinthumarunaarunakaanthipuram

kshoneethalam niravathum himasheekarangal

maanikyashobha thadavunnathumottuneram. Annanthiyaavathinakam `banavalli’yetthaa

nonnicchu kauthukamodotthu thiricchu njangal

chenneedave dharayumambaravum maracchu

ninneedumaayadaviyullamulacchu paaram. Mellennu shaakhikaliloothiya kaattiloormmi

thallunnapolilakininna mahaavanatthil

ullaasamaarnnu naduve muzhukunnu njanga

lellaavarum kadalil mathsyaganamkanakke. Sooryan puratthezhumiruttumakatthu kaattin

kaaryam vedinja nilayum sukhamaam thanuppum

paryaakulam kilikalthansvanavum maratthin

niryaasagandhavumaho! Kavarunnu chittham. Nokkunna dikkukalilokke mahaatharukkal,

pookkum mahaalathakal, bhoori mulanthadangal,

nilkkaathe vellilakal veenava metthayaayu

llakkaattilettharakalaariha vaazhtthumellaam! Odippoo baahyakaranangale njangale, kaattin

modiprabhaavamathilangava mangi nilpoo

kreedicchu vaadiya kidaangalkanakke vrushdi

thaadiccha picchimalarin nikaramkanakke. Kandaa manojnjathakal kuttikal vismayicchu

kondaashu njangade mukhangalil nokkiyum haa! Kondaadi njangalitharetharavum mizhicchu

mindaathirippu shivane! Mozhi thonnidaathe. Pettennu njangaloralaukikamaam sukhatthil

ppettenthivanna? Mathavaa svayamaadishakthi

vettitthelicchu, vikruthaakruthiyaakkidaathe

vittulla bhooprakruthibhamgiyil vaazhvu dehi. Odaathe, kandtmaninaadamezhaathe, bhakthi

thedunnavaarivide mandamaho nadappoo

eedaarnna vandiyeyizhacchinayottha mysoor

maadum malancherivil venmukilindvayampol. Ottappuratthudane njangal dinesharashmi

pettangumingumidavitta marangal kandoo

pettennu veerpputhadavu, manavum kinaavu

vittangushasilunarum shishupolkkalippoo. Noonam manoharavanangalilichchhapole

yaanandamaarnnu maruvum charajeevivrundam

jnjaanam vahikkukilavattayilekamaavaan

njaaneppozhum mathiyil mohamiyannidunnu. Nilkkaamadutthivideyaana mulanthadatthil

ikkanda vallimarayilkkaduvaa kidakkaam

akkaaryamortthadaviyil pranayam vidunni

llulkkaampu pediyariyaa sukhameridumpol. Vinnattamaanjuvalarum mulathan‍re mylin

kannatta peelisamamaam thazha kaattilaadi

thinnennazhukkukal thudacchu nabhasil neela

varnnam puthukkidukayalli vasanthametthaan? Kettishishukkaleyizhacchu maratthilonnu

vittonnilookkodu kurangukal chaadeedumpol

potticchiricchu vazhimelarulunnu njangal

kkottere modamathivismitharaam kidaangal. Poyaashu njangalatha vandiyil ninnirangi

sayaahnashobhayathu kandu nadannu mandam

aayaasamenniyanayunnu khagangal kuravum

thoyaashayatthinarikilccheru bankilaavil. Nillaathe poyu shishiramere vidarnna pookka

lillaaykilum nediya poyka tharunnu modam

vallaattha rogavishamasthithi vittu melle

yullaaghabhaavamezhumishdajanam kanakke. Aartthum vilicchumidayilcchirakaanjadicchu

neertthullipaari nirayaayu nirayaaypparannum

pertthum jalopari pathicchumuzhannu pakshi

cchartthulpathicchumitha chekku thiranjidunnu. Meyunna kaalikalumotthidayakkidaangal

poyulla pullukal niranja nilatthiloode

theyaatthorormma tharumappakal poykavakkil

maayunnathortthavide njangal nadannidunnu. Dooratthu pashchimathadatthilerinjadangum

sooryan‍re kaanthiyumiruttumidanjidunnu

oorilkkolutthiya vilakkukal pongidaattha

thaarangalpolakale mangi vilangidunnu. Medaakumasthalamathilccherubankilaavil

kkoodaaramapparijanangalorukki mumpe

veedaakkiyooninumurakkinumethumallal

koodaathe raathriyilathilkkazhiyunnu njangal. Mindaathe kuttikal kidakkayananju, koompum

thandaarupole mizhipoottiyurangidumpol

kandaalezhaattha malanaattile raavu njangal

randaamathum veliyiletthiyirunnidunnu. Anthikku mottukal vidarnnoru kaattumulla

chinthum manatthodu thanutthu kozhuttha thennal

panthikku chettu panineeru podinju veeshi

yenthullalinju kalabham kudayunnathallee? Chaaratthu kaaynira pazhutthu manam kalarnna

peraalil vannu kadavaathil niranjupoyi

nere nilaavathil muthirnnu parannu moonga

yororu moolakalil mooliyiruppumaayi. Engum parakkumorumoodaliyannumangu

mingum chadacchu vilarum cherukondalaarnnum

mangum nilaavil maravum nizhalum nilatthi

langangu raavirulu koottuvatho niratthaan? Erunnorimpamathinaal mozhivittu njangal

kooraarnnidunnu thaniye verutheyirippil

paarilppale sukhamayookhaganatthinotta

veraayadikku vilasum ravi maunamathre. Vittangirikkaveyudan malarpoyozhinja

njettaakkiyullilanayum thanathomalaale

ottortthirunniniya thozhar thudarnnupoya

mattum marannavide njaan thaniyeyirippoo. Vaaykkunnathilla mathiyaarnna velicchamengum

nokkunna thaarakangal ninnu mayangidunnu

kelkkunnathundu cherukaattinirampal melle

kkoorkkamvalicchulakuthanneyurangukallee? Anubandham

randaayi kollamathumallithinullilere

yundaayi sambhavamithokke marakkilumthaan

thindaadiyormmayilaho nizhalpole pongu

nnundo koothuhalavumaa vanayaathrathaanum. Ennallayannu sukhamookathayaarnna chittha

minnettamulkkalikayaarnnithu paaduvaanum

spandicchidaathe puthupoomadhuvundu paaram

mandicchirunnu muralunnoru vanipole. Kaanunnu mumparuvi njaan, athil ninnudunnen

praanangal nirvruthikalarnnudanenkilum thaan

vaanee madeeyayathil vybhavamattapole

poninnu pinvazhiyilulla vanaantharatthil. Thumgaathadam muthal vadakku thudarnnukaanum

shrumgangalmel mizhiyeyinnumizhacchidunnu

thumgaanubandhikal nabha:sthalithanne vetta

bhrumgaasithachchhavikal pashchimaparvvathangal. Haa! Lakshyamaayu lalithajamgamagandashyla

jaalatthodottha gajayoothasamaakulangal

saalangal vittitha lathaavalayam parakkum

polambaratthil mayil vattamidum vanangal. Vaaykkum sukham vijananashdavikaasamaakaa

thaakkeeyinikku vidhi, kandayi(?) sauhrudatthaal

aakkaadu kaanmathinananja 'yanoori'lenne

kkaakkunnoru priyamukhangaleyinnithaa njaan. Aahaa suhrutthamasamaagamasaukhyamethra

mohaaspadam svayamathum punaranyanaattil

snehaakulathvamodu pinnoru kaattil ethu

sauhaarddhathayozhinjathavaa sukhamthaan. Lokaanuraahavimukhaathmaganangale, mar

tthyaakaaramaarnnivide ningal janicchidaayvin

ekaanthanirmmamathare batha! Ningal naatti

lekaanthamaam guhayilninnu purappedaayvin. Nenchotthukoodiyoorunirvruthiyaarnnu neele

cchanchotthezhunna vanashobhakalaasvadippaan

chaanchaadumindriyapashukkale mecchuponnu

vaanchchhaanukoolamitha goparkanakke njangal. Pokaatheyum shishiramudbhadapushpakaala

maakaatheyum dinamukhangalilaardramaayum

ekunnu kouthukamilanthaliraarnnu kanyaa

paakatthilninnu parishuddhavanaanthabhamgi. Agraabhakandanayumaara riyaatheyaksha

pragraahi njangaleyithaa kabaleekaricchu

agraahyaseemamathidurggamamaalezhaattho

rugraadaveethadamudaaramanobhiraamam.