ഗുരു
കുമാരനാശാൻ=>ഗുരു
എൻ.
(ശ്രീനാരായണഗുരുസ്വാമിയുടെ ഷഷ്ടിപൂർത്തിക്ക് എഴുതിയത്)
ആരായുകിലന്ധത്വമൊഴിച്ചാദിമഹസ്സിൻ
നേരാംവഴി കാട്ടും ഗുരുവല്ലോ പരദൈവം;
ആരാദ്ധ്യനതോർത്തിടുകിൽ ഞങ്ങൾക്കവിടുന്നാം
നാരായണമൂർത്തേ, ഗുരു നാരായണമൂർത്തേ.
അമ്പാർന്നവരുണ്ടോ പരവിജ്ഞാനികളുണ്ടോ
വമ്പാകെവെടിഞ്ഞുള്ളവരുണ്ടോയിതുപോലെ
മുമ്പായി നിനച്ചൊക്കെയിലും ഞങ്ങൾ ഭജിപ്പൂ
നിമ്പാവനപാദം ഗുരു നാരായണമൂർത്തേ.
അന്യർക്കു ഗുണം ചെയ്‌വതിനായുസ്സു വപുസ്സും
ധന്യത്വമൊടങ്ങാത്മതപസ്സും ബലിചെയ്‌വൂ;
സന്യാസികളില്ലിങ്ങനെ യില്ലില്ലമിയന്നോർ
വന്യാശ്രമമേലുന്നവരും ശ്രീഗുരുമൂർത്തേ.
വാദങ്ങൾ ചെവിക്കൊണ്ടു മതപ്പോരുകൾ കണ്ടും
മോദസ്ഥിരനായങ്ങു വസിപ്പൂ മലപോലെ
വേദാഗമസാരങ്ങളറിഞ്ഞങ്ങൊരുവൻ‌താൻ
ഭേദാരികൾ കൈവിട്ടു ജയിപ്പൂ ഗുരുമൂർത്തേ.
മോഹാകുലരാം ഞങ്ങളെയങ്ങേടെയടിപ്പൂ
സ്നേഹാത്മകമാം പാശമതിൽ കെട്ടിയിഴപ്പൂ;
ആഹാ ബഹുലക്ഷം ജനമങ്ങേത്തിരുനാമ
വ്യാഹാരബലത്താൽ വിജയിപ്പൂ ഗുരുമൂർത്തേ.
അങ്ങേത്തിരുവുള്ളൂറിയൊരമ്പിൽ വിനിയോഗം
ഞങ്ങൾക്കു ശുഭം ചേർത്തിടുമീ ഞങ്ങടെ “യോഗം.”
എങ്ങും ജനചിത്തങ്ങളിണക്കി പ്രസരിപ്പൂ
മങ്ങാതെ ചിരം നിൻ പുകൾപോൽ ശ്രീഗുരുമൂർത്തേ.
തമ്പോലെയുറുമ്പാദിയെയും പാർത്തിടുമങ്ങേ
ക്കമ്പോടുലകർത്ഥിപ്പൂ ചിരായുസ്സു ദയാബ്ധേ
മുമ്പോൽ സുഖമായ് മേന്മതൊടുന്നോർക്കരുളും കാൽ
തുമ്പോടിനിയും വാഴ്ക ശതാബ്ദം ഗുരുമൂർത്തേ.
Manglish Transcribe ↓
Kumaaranaashaan=>guru
en.
(shreenaaraayanagurusvaamiyude shashdipoortthikku ezhuthiyathu)
aaraayukilandhathvamozhicchaadimahasin
neraamvazhi kaattum guruvallo paradyvam;
aaraaddhyanathortthidukil njangalkkavidunnaam
naaraayanamoortthe, guru naaraayanamoortthe. Ampaarnnavarundo paravijnjaanikalundo
vampaakevedinjullavarundoyithupole
mumpaayi ninacchokkeyilum njangal bhajippoo
nimpaavanapaadam guru naaraayanamoortthe. Anyarkku gunam cheyvathinaayusu vapusum
dhanyathvamodangaathmathapasum balicheyvoo;
sanyaasikalillingane yillillamiyannor
vanyaashramamelunnavarum shreegurumoortthe. Vaadangal chevikkondu mathapporukal kandum
modasthiranaayangu vasippoo malapole
vedaagamasaarangalarinjangoruvanthaan
bhedaarikal kyvittu jayippoo gurumoortthe. Mohaakularaam njangaleyangedeyadippoo
snehaathmakamaam paashamathil kettiyizhappoo;
aahaa bahulaksham janamangetthirunaama
vyaahaarabalatthaal vijayippoo gurumoortthe. Angetthiruvullooriyorampil viniyogam
njangalkku shubham chertthidumee njangade “yogam.”
engum janachitthangalinakki prasarippoo
mangaathe chiram nin pukalpol shreegurumoortthe. Thampoleyurumpaadiyeyum paartthidumange
kkampodulakarththippoo chiraayusu dayaabdhe
mumpol sukhamaayu menmathodunnorkkarulum kaal
thumpodiniyum vaazhka shathaabdam gurumoortthe.