സങ്കീർത്തനം
കുമാരനാശാൻ=>സങ്കീർത്തനം
എൻ.
ചന്തമേറിയ പൂവിലും ശബളാഭമാം
ശലഭത്തിലും
സന്തതം കരതാരിയന്നൊരു ചിത്ര
ചാതുരി കാട്ടിയും
ഹന്ത! ചാരുകടാക്ഷമാലകളർക്ക
രശ്മിയിൽ നീട്ടിയും
ചിന്തയാം മണിമന്ദിരത്തിൽ വിളങ്ങു
മീശനെ വാഴ്ത്തുവിൻ!
സാരമായ് സകലത്തിലും മതസംഗ്രഹം
ഗ്രഹിയാത്തതായ്
കാരണാന്തരമായ് ജഗത്തിലുയർന്നു
നിന്നിടുമൊന്നിനെ
സൗരഭോൽക്കട നാഭികൊണ്ടു മൃഗംകണ
ക്കനുമേയമായ്
ദൂരമാകിലുമാത്മഹാർദ്ദഗുണാസ്പദത്തെ
നിനയ്ക്കുവിൻ!
നിത്യനായക, നീതിചക്രമതിൻ
തിരിച്ചിലിനക്ഷമാം
സത്യമുൾക്കമലത്തിലും സ്ഥിരമായ്
വിളങ്ങുക നാവിലും
കൃത്യഭൂ വെടിയാതെയും മടിയാതെയും
കരകോടിയിൽ
പ്രത്യഹം പ്രഥയാർന്ന പാവനകർമ്മ
ശക്തി കുളിക്കുക!
സാഹസങ്ങൾ തുടർന്നുടൻ സുഖഭാണ്ഡ
മാശു കവർന്നുപോം
ദേഹമാനസ ദോഷസന്തതി ദേവ
ദേവ, നശിക്കണേ.
സ്നേഹമാം കുളിർപൂനിലാവു പരന്നു
സർവവുമേകമായ്
മോഹമാമിരുൾ നീങ്ങി നിന്റെ മഹത്ത്വ
മുള്ളിൽ വിളങ്ങണേ.
ധർമ്മമാം വഴി തന്നിൽ വന്നണയുന്ന വൈരികളഞ്ചവേ
നിർമ്മലദ്യുതിയാർന്ന നിശ്ചയഖഡ്ഗമേന്തി നടന്നുടൻ
കർമ്മസീമ കടന്നുപോയ് കളിയാടുവാനരുളേണമേ
ശർമ്മവാരിധിയിൽ കൃപാകര, ശാന്തിയാം മണിനൗകയിൽ.
Manglish Transcribe ↓
Kumaaranaashaan=>sankeertthanam
en. Chanthameriya poovilum shabalaabhamaam
shalabhatthilum
santhatham karathaariyannoru chithra
chaathuri kaattiyum
hantha! Chaarukadaakshamaalakalarkka
rashmiyil neettiyum
chinthayaam manimandiratthil vilangu
meeshane vaazhtthuvin! Saaramaayu sakalatthilum mathasamgraham
grahiyaatthathaayu
kaaranaantharamaayu jagatthiluyarnnu
ninnidumonnine
saurabholkkada naabhikondu mrugamkana
kkanumeyamaayu
dooramaakilumaathmahaarddhagunaaspadatthe
ninaykkuvin! Nithyanaayaka, neethichakramathin
thiricchilinakshamaam
sathyamulkkamalatthilum sthiramaayu
vilanguka naavilum
kruthyabhoo vediyaatheyum madiyaatheyum
karakodiyil
prathyaham prathayaarnna paavanakarmma
shakthi kulikkuka! Saahasangal thudarnnudan sukhabhaanda
maashu kavarnnupom
dehamaanasa doshasanthathi deva
deva, nashikkane. Snehamaam kulirpoonilaavu parannu
sarvavumekamaayu
mohamaamirul neengi ninte mahatthva
mullil vilangane. Dharmmamaam vazhi thannil vannanayunna vyrikalanchave
nirmmaladyuthiyaarnna nishchayakhadgamenthi nadannudan
karmmaseema kadannupoyu kaliyaaduvaanarulename
sharmmavaaridhiyil krupaakara, shaanthiyaam maninaukayil.