▲ അതിഥി
ചങ്ങമ്പുഴ കൃഷ്ണപിള്ള=>▲ അതിഥി
ബാഷ്പാഞ്ജലി
ആരാണിച്ചുംബനനിർവൃതിയിൽ
ഞാനറിയാതെന്നെ മുക്കിടുവോൻ?
ആരമ്യസുസ്മിതം തൂകിയെത്തു
മാതിഥേ, നീയെന്മരണമല്ലേ?
കൂരിരുളിങ്കലിരുന്നു നിന്നെ
ഞാനിത്രനാളും ഭജിച്ചിരുന്നു.
തീരാനിരാശയിൽക്കൂടി നിന്റെ
വേണുസംഗീതംഞാൻ കേട്ടിരുന്നു.
ഊഷ്മാവുയർന്നു പരന്നു തിങ്ങും
ഗ്രീഷ്മകാലാന്ത നിശീഥിനികൾ,
ഏകാന്തതകളോടൊത്തുചേർന്നെൻ
ശോകാർദ്രശയ്യയിലെത്തിടുമ്പോൾ,
മന്മലർത്തോപ്പിൽനിന്നാഗമിക്കും
മർമ്മരാരാവത്തിലാകമാനം
ഭാവനാപൂർണ്ണസുരമ്യമാം നി
ന്നേതോ രഹസ്യം നിറഞ്ഞിരുന്നു.
ഹേമന്തം വന്നു ജഗത്തിലെല്ലാം
നീഹാരപൂരം പൊഴിഞ്ഞിടുമ്പോൾ;
ഞാനെൻ സുഷുപ്തിയെനിക്കു തന്നോ
രാനന്ദസ്വപ്നത്തിൽ മുങ്ങിമുങ്ങി
മൂടിപ്പുതച്ചുകിടന്നു, കല്യ
സൂര്യപ്രഭയേറ്റുണർന്നിടുമ്പോൾ;
ജാലകമാർഗ്ഗമായുള്ളിലെത്തു
മാലോലശീതളമന്ദാനിലനിൽ,
ദൂരെനിന്നവ്യക്തം നീ പൊഴിക്കു
മോരോസന്ദേശം വഴിഞ്ഞിരുന്നു.
അന്നെല്ലാമാസന്നഭാവിയിൽ നീ
വന്നെത്തുമെന്നു ഞാനോർത്തിരുന്നു!
ഹാ, ദിവ്യസാന്ത്വനമോതിയെത്തു
മാതിഥേ, നീയെൻ മരണമല്ലേ?
ക്ഷണികമീലോകം കപട, മിങ്ങെങ്ങും
കണികാനാനില്ല പരമാർത്ഥം.
ഇവിടെയെന്തിനാണമലസന്ധ്യകൾ?
ഇവിടെയെന്തിനിപ്പുലരികൾ?
മറിമായം തിങ്ങിനിറയുമീ മന്നിൽ
മതിയല്ലോ വെറുമിതള്മാത്രം!
Manglish Transcribe ↓
Changampuzha krushnapilla=>▲ athithi
baashpaanjjali
aaraanicchumbananirvruthiyil
njaanariyaathenne mukkiduvon? Aaramyasusmitham thookiyetthu
maathithe, neeyenmaranamalle? Koorirulinkalirunnu ninne
njaanithranaalum bhajicchirunnu. Theeraaniraashayilkkoodi ninte
venusamgeethamnjaan kettirunnu. Ooshmaavuyarnnu parannu thingum
greeshmakaalaantha nisheethinikal,
ekaanthathakalodotthuchernnen
shokaardrashayyayiletthidumpol,
manmalartthoppilninnaagamikkum
marmmaraaraavatthilaakamaanam
bhaavanaapoornnasuramyamaam ni
nnetho rahasyam niranjirunnu. Hemantham vannu jagatthilellaam
neehaarapooram pozhinjidumpol;
njaanen sushupthiyenikku thanno
raanandasvapnatthil mungimungi
moodipputhacchukidannu, kalya
sooryaprabhayettunarnnidumpol;
jaalakamaarggamaayulliletthu
maalolasheethalamandaanilanil,
dooreninnavyaktham nee pozhikku
morosandesham vazhinjirunnu. Annellaamaasannabhaaviyil nee
vannetthumennu njaanortthirunnu! Haa, divyasaanthvanamothiyetthu
maathithe, neeyen maranamalle? Kshanikameelokam kapada, mingengum
kanikaanaanilla paramaarththam. Ivideyenthinaanamalasandhyakal? Ivideyenthinippularikal? Marimaayam thinginirayumee mannil
mathiyallo verumithalmaathram!