▲ അന്നും ഇന്നും ബാഷ്പാഞ്ജലി
ചങ്ങമ്പുഴ കൃഷ്ണപിള്ള=>▲ അന്നും ഇന്നും ബാഷ്പാഞ്ജലി
അനഘമാകുമപ്പൂവനം കാണുവാ
നിനിയുമെത്ര ഞാൻ പിന്നോട്ടു പോകണം!
പരമനിമ്മർലസ്നേഹസമന്വിത
സരളലോല വികാരതരളിതം,
വിവിധചിത്രസമാകുലശ്രീമയ
വിജനരംഗമാ മംഗള ശൈശവം.
നിഹിതനായൊരെൻജീവിതവാടിതൻ
കുസുമകാലമേ, നീയിനിയെത്തുമോ?
തവമനോഹരമനുസ്മിതോജ്ജ്വല
വദനദർശനം സാധ്യമല്ലെങ്കിലും
സ്മരണയെന്നെത്തടുക്കുംവരേയ്ക്കു,നി
ന്നരികിലെന്നും പറന്നെത്തുമെന്മനം!
നവസുഷമകൾ തിങ്ങിത്തുളുമ്പിയി
ബ്ഭുവനമന്നെത്ര കാമ്യമായ്ത്തോന്നി മേ!
പരമശൂന്യമിതെന്നാ,ലിതിനിദ
മിരുളുവന്നു നിറഞ്ഞതിന്നെങ്ങനെ?
സഖികളോടു ചേർന്നാടിയും പാടിയും
സമയമന്നു കഴിച്ചു ഞാൻ സസ്പൃഹം.
അപരചിന്തകളില്ലന്നു ഞങ്ങളി
ലമലകേളികളാടുകയെന്നിയേ.
അമരസൗഖ്യങ്ങളാസ്വദിച്ചാസ്വദി
ച്ചമിതസംതൃപ്തരായുല്ലസിക്കവെ,
ഭരിതവാത്സല്യമന്നാളിലേവനു
മരുളി ഞങ്ങൾക്കനുഗഹാശംസകൾ!
അപജയത്തിനടിത്തറകെട്ടുമി
ച്ചപലയൗവനമാശിപ്പതില്ല ഞാൻ!
മധുരശൈശവം വീണ്ടും ലഭിക്കിലീ
മഹിയിലെന്തിലുമ്മീതെ ഞാൻ മിന്നുവൻ;
ഇടവിടാതിരുന്നെത്ര ഭജിക്കിലെ
ന്തിനി വരികയില്ലാ വസന്തോത്സവം!
സതതമന്നൊരു കൊച്ചുപൂഞ്ചോലപോൽ
മൃദുലഹാസം പൊഴിച്ചു സുഖിച്ചു ഞാൻ.
ചിറകടിച്ചുചിലച്ചു ചരിച്ചിടും
കുരുവിപോലെ പറന്നു കളിച്ചുഞാൻ.
പരിചിതമല്ലെനിക്കൊരു താപവും,
പരവശനല്ല ഞാനൊരു നേരവും.
കപടമെന്തെന്നറിയാത്തകാരണം
കവിതയാണന്നു കാണുന്നതൊക്കയും!
ഇനിയതോരോന്നുമോത്തേർാത്തർു തപ്തനായ്
ക്കഴികയല്ലാതെയില്ലൊരു മാർഗ്ഗവും!
മഴമുകിലിൻ മണിമേട തീർക്കുവാൻ
മനമുഴറി മരുവുന്നതിൽപ്പരം,
ഒരു ചെറിയ പൂമ്പാറ്റതൻ പിന്നിലൂ
ടനുഗമിക്കുന്നതാണെനിക്കുത്സവം!
ചെറുതരംഗച്ചുരുളുകൾ ചിന്നുമീ
ഹൃദയഹാരിയാം നൈതലാമ്പൽക്കുളം,
സദയമെന്നെ ക്ഷണിപ്പതുണ്ടിപ്പൊഴും
സലിലകേളിക്കു സാക്ഷ്യം വഹിക്കുവാൻ,
പുളകമേകിയില്ലെത്ര, യന്നൊക്കെ,യ
പ്പുളിനഭൂവിനെൻ കാലടിപ്പാടുകൾ!
അലരണിത്തോപ്പിലിന്നും ലസിപ്പതു
ണ്ടരിയ ചന്ദനശീതളച്ഛായകൾ
എവിടെയിന്നു മറഞ്ഞുപോയ്, ക്കഷ്ട ,മ
ന്നവിടെ വന്നെത്തുമെൻകൂട്ടുകാരികൾ?
മൃദുലമഞ്ജുളമഞ്ജീരശിഞ്ജിത
മുഖരിതമാണവിടമന്നൊക്കയും.
തകരുകയാണു, വാടിക്കരിഞ്ഞൊരീ
ബകുളപുഷ്പങ്ങൾ കാണുമ്പോളെൻ മനം!
അവ പെറുക്കുവാനെന്തു കോലാഹല
മവിടെ ഞങ്ങൾ നടത്തീല നിത്യവും!
സ്മരണയെത്തട്ടി വീണ്ടുമുണർത്തുമി
ശ്ശിശിരവായുവിൻ ശീതളാലിംഗനം;
അശുഭഭാവിയെനിക്കണച്ചീടുമെ
ന്നണുവുമന്നൊന്നുമോർത്തിരുന്നില്ല ഞാൻ.
ഇരുളിനുള്ള മുഖവുരമാത്രമാ
ണുദയരശ്മിതൻ മന്ദസ്മിതാങ്കുരം!
അതുലമായൊരാ രംഗങ്ങളോർത്തിനി
മതി കരഞ്ഞതെൻ മന്ദഹൃദയമേ!
സുദിനമൊക്കെക്കഴിഞ്ഞു ഹാ, ദുസ്സഹ
കദനപൂർണ്ണമിനി മമ ജീവിതം.
ചിരസമാർജ്ജിതപുസ്തകജ്ഞാനമേ,
കരിയിലപോലെ ശുഷ്കമല്ലല്ലി നീ?
എരിയുമാത്മാവിനാശ്വാസമേകുവാ
നുതകുമെന്നു ഭ്രമിച്ചുപോയ് നിന്നെ ഞാൻ!
ഉലകിനെത്ര രുചിക്കുമെൻ ജീവിത
ചലനചിത്രം, കഠിനശോകാത്മകം?
മതി, യിതെങ്ങാനുമീവിധം നീണ്ടുനീ
ണ്ടൊടുവി,ലത്യന്ത ശോകമായെങ്കിലോ!
ഇതിനു പൂർണ്ണവിരാമമിട്ടീടുവാ
നിനി വിളംബമരുതരുതൽപവും!
വിജയലക്ഷ്മി വന്നെന്നെത്തലോടുവാൻ
ഭജനലോലനായെത്ര നാൾ കാത്തു ഞാൻ!
അവളനുകൂലയല്ലെനി,ക്കാകയാ
ലവനതാസ്യനായ് പിന്മടങ്ങട്ടെ ഞാൻ!
* * *
ഒരുമരതകപ്പച്ചിലക്കാട്ടിലെൻ
മരണശയ്യ വിരിക്കൂ സഖാക്കളേ!
വസുധയോടൊരു വാക്കു ചൊന്നിട്ടിതാ
വരികയായി ഞാൻ അൽപം ക്ഷമിക്കണേ!!
Manglish Transcribe ↓
Changampuzha krushnapilla=>▲ annum innum baashpaanjjali
anaghamaakumappoovanam kaanuvaa
niniyumethra njaan pinnottu pokanam! Paramanimmarlasnehasamanvitha
saralalola vikaaratharalitham,
vividhachithrasamaakulashreemaya
vijanaramgamaa mamgala shyshavam. Nihithanaayorenjeevithavaadithan
kusumakaalame, neeyiniyetthumo? Thavamanoharamanusmithojjvala
vadanadarshanam saadhyamallenkilum
smaranayennetthadukkumvareykku,ni
nnarikilennum parannetthumenmanam! Navasushamakal thingitthulumpiyi
bbhuvanamannethra kaamyamaaytthonni me! Paramashoonyamithennaa,lithinida
miruluvannu niranjathinnengane? Sakhikalodu chernnaadiyum paadiyum
samayamannu kazhicchu njaan saspruham. Aparachinthakalillannu njangali
lamalakelikalaadukayenniye. Amarasaukhyangalaasvadicchaasvadi
cchamithasamthruptharaayullasikkave,
bharithavaathsalyamannaalilevanu
maruli njangalkkanugahaashamsakal! Apajayatthinadittharakettumi
cchapalayauvanamaashippathilla njaan! Madhurashyshavam veendum labhikkilee
mahiyilenthilummeethe njaan minnuvan;
idavidaathirunnethra bhajikkile
nthini varikayillaa vasanthothsavam! Sathathamannoru kocchupooncholapol
mrudulahaasam pozhicchu sukhicchu njaan. Chirakadicchuchilacchu charicchidum
kuruvipole parannu kalicchunjaan. Parichithamallenikkoru thaapavum,
paravashanalla njaanoru neravum. Kapadamenthennariyaatthakaaranam
kavithayaanannu kaanunnathokkayum! Iniyathoronnumottheraattharu thapthanaayu
kkazhikayallaatheyilloru maarggavum! Mazhamukilin manimeda theerkkuvaan
manamuzhari maruvunnathilpparam,
oru cheriya poompaattathan pinniloo
danugamikkunnathaanenikkuthsavam! Cherutharamgacchurulukal chinnumee
hrudayahaariyaam nythalaampalkkulam,
sadayamenne kshanippathundippozhum
salilakelikku saakshyam vahikkuvaan,
pulakamekiyillethra, yannokke,ya
ppulinabhoovinen kaaladippaadukal! Alaranitthoppilinnum lasippathu
ndariya chandanasheethalachchhaayakal
evideyinnu maranjupoyu, kkashda ,ma
nnavide vannetthumenkoottukaarikal? Mrudulamanjjulamanjjeerashinjjitha
mukharithamaanavidamannokkayum. Thakarukayaanu, vaadikkarinjoree
bakulapushpangal kaanumpolen manam! Ava perukkuvaanenthu kolaahala
mavide njangal nadattheela nithyavum! Smaranayetthatti veendumunartthumi
shishiravaayuvin sheethalaalimganam;
ashubhabhaaviyenikkanaccheedume
nnanuvumannonnumortthirunnilla njaan. Irulinulla mukhavuramaathramaa
nudayarashmithan mandasmithaankuram! Athulamaayoraa ramgangalortthini
mathi karanjathen mandahrudayame! Sudinamokkekkazhinju haa, dusaha
kadanapoornnamini mama jeevitham. Chirasamaarjjithapusthakajnjaaname,
kariyilapole shushkamallalli nee? Eriyumaathmaavinaashvaasamekuvaa
nuthakumennu bhramicchupoyu ninne njaan! Ulakinethra ruchikkumen jeevitha
chalanachithram, kadtinashokaathmakam? Mathi, yithengaanumeevidham neendunee
ndoduvi,lathyantha shokamaayenkilo! Ithinu poornnaviraamamitteeduvaa
nini vilambamarutharuthalpavum! Vijayalakshmi vannennetthaloduvaan
bhajanalolanaayethra naal kaatthu njaan! Avalanukoolayalleni,kkaakayaa
lavanathaasyanaayu pinmadangatte njaan!
* * *
orumarathakappacchilakkaattilen
maranashayya virikkoo sakhaakkale! Vasudhayodoru vaakku chonnittithaa
varikayaayi njaan alpam kshamikkane!!