▲ എനിക്ക് വേണ്ടത് ബാഷ്പാഞ്ജലി
ചങ്ങമ്പുഴ കൃഷ്ണപിള്ള=>▲ എനിക്ക് വേണ്ടത് ബാഷ്പാഞ്ജലി
മരതകാഭ വഴിഞ്ഞൊഴുകീടുമീ
ത്തൃണസമാകുലമൈതാനഭൂമിയിൽ,
മലരണിവളർവല്ലികൾ ചൂഴുമീ
മലയജാമലശീതള ച്ഛായയിൽ,
കലിതകൗതുകമാടുമേച്ചീവിധം
കഴിയുവാനെന്നുഭാഗ്യംലഭിച്ചിടും?
വിജനതകൾക്കു ജീവൻ കൊടുക്കുമെൻ
മുരളികാനന്ദഗാനലഹരിയിൽ,
മതിമറന്നെത്ര കാനനവല്ലികൾ
തലകുലുക്കി രസിക്കയില്ലെപ്പൊഴും!
ഉദയകൗതുകം കാണുവാനായ് സ്വയം
മിഴിതുറകും മുകുളമുഗ്ദ്ധാംഗിമാർ,
ഭരിതമോദമെന്മുന്നിലാത്താദരം
ചൊരിയുകയില്ലെത്ര രാഗപരിമളം!
മൃദുലമംഗള സംഗീതലോലയാ
യൊഴുകിടുന്നൊരിക്കൊച്ചുപൂഞ്ചോലയിൽ,
സമയമെത്ര കഴിക്കില്ല നിത്യവും
സലിലകേളിയിൽ ഞാനും സഖാക്കളും!
അകലെ നീന്തിക്കളിച്ചിടും സുന്ദര
വിഭവറാണിമാർ, കാനനദേവിമാർ
ഒളിവിൽ,ലെൻ നേർക്കെറിയും പലപ്പൊഴും
ലളിതലജ്ജപുരണ്ട കൺകോണുകൾ!
സുഖസുഷുപ്തിപുലരും സുശീതള
സുമവിരാജിത സുന്ദര ശയ്യയിൽ
മധുരചിന്താലഹരിയിൽ മഗ്നനാ
യമരുമാച്ചൂടുമദ്ധ്യാഹ്ന വേളയിൽ,
വയലിൽനിന്നും മടങ്ങുമൊരോമലാ
ളണയുമെന്മുന്നിലാനതമൗലിയായ്!
ചുരുൾമുടിക്കെട്ടഴിച്ചു വിതുർത്തുകൊ
ണ്ടരികിൽ നിൽക്കുമവളോടു സസ്പൃഹം
ഹരിതദീപ്രമക്കാനനമണ്ഡല
ചരിതമോരോന്നു ചോദിച്ചനാകുലം,
കരിപിടിക്കാത്ത കന്യാഹൃദന്തര
കവനഭംഗി നുകർന്നു ഞാൻ വാണിടും!
കുളിരണിഞ്ഞ നിലാവിൽക്കുളിച്ചിടും
ലളിതമോഹനഹേമന്ത രാത്രിയിൽ,
പൊഴിയുമെൻ മൂളിപ്പാട്ടുകൾ കേട്ടു കേ
ട്ടലിയുമോരോരോ വെൺമണൽത്തിട്ടുകൾ!
മലയമാരുതനേറ്റേറ്റു, കോകില
മധുരപഞ്ചമം കേട്ടു കേട്ടങ്ങനെ,
മലരണിവളർവല്ലികൾ ചൂഴുമീ
മലയജാമലശീതളച്ഛായയിൽ,
കലിതകൗതുകമാടുമേച്ചീവിധം
കഴിയുവാനെനിക്കാകിൽ ഞാൻ ഭാഗ്യവാൻ!!
Manglish Transcribe ↓
Changampuzha krushnapilla=>▲ enikku vendathu baashpaanjjali
marathakaabha vazhinjozhukeedumee
tthrunasamaakulamythaanabhoomiyil,
malaranivalarvallikal choozhumee
malayajaamalasheethala chchhaayayil,
kalithakauthukamaadumeccheevidham
kazhiyuvaanennubhaagyamlabhicchidum? Vijanathakalkku jeevan kodukkumen
muralikaanandagaanalahariyil,
mathimarannethra kaananavallikal
thalakulukki rasikkayilleppozhum! Udayakauthukam kaanuvaanaayu svayam
mizhithurakum mukulamugddhaamgimaar,
bharithamodamenmunnilaatthaadaram
choriyukayillethra raagaparimalam! Mrudulamamgala samgeethalolayaa
yozhukidunnorikkocchupooncholayil,
samayamethra kazhikkilla nithyavum
salilakeliyil njaanum sakhaakkalum! Akale neenthikkalicchidum sundara
vibhavaraanimaar, kaananadevimaar
olivil,len nerkkeriyum palappozhum
lalithalajjapuranda kankonukal! Sukhasushupthipularum susheethala
sumaviraajitha sundara shayyayil
madhurachinthaalahariyil magnanaa
yamarumaacchoodumaddhyaahna velayil,
vayalilninnum madangumoromalaa
lanayumenmunnilaanathamauliyaayu! Churulmudikkettazhicchu vithurtthuko
ndarikil nilkkumavalodu saspruham
harithadeepramakkaananamandala
charithamoronnu chodicchanaakulam,
karipidikkaattha kanyaahrudanthara
kavanabhamgi nukarnnu njaan vaanidum! Kuliraninja nilaavilkkulicchidum
lalithamohanahemantha raathriyil,
pozhiyumen moolippaattukal kettu ke
ttaliyumororo venmanaltthittukal! Malayamaaruthanettettu, kokila
madhurapanchamam kettu kettangane,
malaranivalarvallikal choozhumee
malayajaamalasheethalachchhaayayil,
kalithakauthukamaadumeccheevidham
kazhiyuvaanenikkaakil njaan bhaagyavaan!!