ചങ്ങമ്പുഴ കൃഷ്ണപിള്ള=>▲ എന്‍റെ ചോദ്യം ബാഷ്പാഞ്ജലി

അനുനിമിഷമാത്മാവിലങ്കുരിക്കു

മതിചപല നിശ്ശബ്ദരോദനങ്ങൾ,

പരവശയായോമലേ, നീയിരിക്കും

മണിയറയിലെങ്ങനെ വന്നു ചേരും?

സുമസുരഭിലാനിലൻ സഞ്ചരിക്കും

വനികകളിലേകാന്തം വാണിടുമ്പോൾ;

ചെറുകിളികൾ മാമരക്കൊമ്പുകളിൽ

മധുമധുരമെത്രമേൽ പാടിയാലും,

ഒരുവിധവും ചിത്തം കുളുത്തർിടാതി

ന്നതിവിവശമെന്തോ തിരഞ്ഞിടുന്നു.

അകലെയൊരു മേടയി, ലാളിമാരൊ

ത്തമിതരുചി വീശിയ പള്ളിമച്ചിൽ,

മൃദുകുസുമശയ്യയിലുല്ലസിക്കു

മൊരു കനകവല്ലിയെത്തേടിത്തേടി,

മമ ഹൃദയരംഗം വികാരമൂകം

ചിറകുവിരിച്ചെത്തുന്നു വേഗവേഗം!

അയി മധുരഭാഷിണി, നിന്നെയോർത്തോർ

ത്തനവരതം നീറുമെന്നാർദ്രചിത്തം,

തവ നികടവർത്തിയായ് നിൽക്കവേ, ഞാ

നിവിടെയിരുന്നെമ്മട്ടൊന്നാശ്വസിക്കും?

---

Manglish Transcribe ↓

---

Changampuzha krushnapilla=>▲ en‍re chodyam baashpaanjjali

anunimishamaathmaavilankurikku

mathichapala nishabdarodanangal,

paravashayaayomale, neeyirikkum

maniyarayilengane vannu cherum? Sumasurabhilaanilan sancharikkum

vanikakalilekaantham vaanidumpol;

cherukilikal maamarakkompukalil

madhumadhuramethramel paadiyaalum,

oruvidhavum chittham kuluttharidaathi

nnathivivashamentho thiranjidunnu. Akaleyoru medayi, laalimaaro

tthamitharuchi veeshiya pallimacchil,

mrudukusumashayyayilullasikku

moru kanakavalliyettheditthedi,

mama hrudayaramgam vikaaramookam

chirakuviricchetthunnu vegavegam! Ayi madhurabhaashini, ninneyortthor

tthanavaratham neerumennaardrachittham,

thava nikadavartthiyaayu nilkkave, njaa

nivideyirunnemmattonnaashvasikkum?