▲ കാമുകനെ കാത്ത് ബാഷ്പാഞ്ജലി
ചങ്ങമ്പുഴ കൃഷ്ണപിള്ള=>▲ കാമുകനെ കാത്ത് ബാഷ്പാഞ്ജലി
ലോകജീവിതം!ഹാഹാ!ശോകപൂരിതം, വ്യർത്ഥ
മാകുമൊരാശാബദ്ധമാന്ത്രിക മായാസ്വപ്നം!
ഞാനിതിലോരോ തന്ത്രിമീട്ടിനോക്കയാ,ണെന്നാൽ
ഗാനശൂന്യമീവീണ; വിഫലം മമ യത്നം!
ഭാവിതൻചുടുതീയിൽ പൂഞ്ചിറകയേ്യാ, കരി
ഞ്ഞാവിലം പിടയ്ക്കേണ്ട പൂമ്പാറ്റയാണെൻ ചിത്തം!
"ഓമനേ, മടിക്കേണ്ട പോരികെ," ന്നെന്നെ സ്വയം
പ്രേമസല്ലാപത്തിനായ് ക്ഷണിക്കും മരണത്തെ,
ഞാനാദരിച്ചാലോ? പാടില്ല; വേഗം ചെന്നെൻ
പാനഭാജനം കൈയിൽ കൊടുപ്പതത്രേ കാമ്യം.
ഞങ്ങൾ തൻ പരസ്പരപ്രഥമാശ്ലേഷി! ഞാനാ
മംഗളരംഗം വെറും മടിയാൽ വൈകിച്ചല്ലോ!
സംഗീതമയം, നിത്യശാന്തിദം, ഭവദീയ
സംഗമമുഹൂർത്തം, ഞാൻ കാത്തുകാത്തിരിക്കട്ടെ!
Manglish Transcribe ↓
Changampuzha krushnapilla=>▲ kaamukane kaatthu baashpaanjjali
lokajeevitham! Haahaa! Shokapooritham, vyarththa
maakumoraashaabaddhamaanthrika maayaasvapnam! Njaanithiloro thanthrimeettinokkayaa,nennaal
gaanashoonyameeveena; viphalam mama yathnam! Bhaavithanchudutheeyil poonchirakaye്yaa, kari
njaavilam pidaykkenda poompaattayaanen chittham!
"omane, madikkenda porike," nnenne svayam
premasallaapatthinaayu kshanikkum maranatthe,
njaanaadaricchaalo? Paadilla; vegam chennen
paanabhaajanam kyyil koduppathathre kaamyam. Njangal than parasparaprathamaashleshi! Njaanaa
mamgalaramgam verum madiyaal vykicchallo! Samgeethamayam, nithyashaanthidam, bhavadeeya
samgamamuhoorttham, njaan kaatthukaatthirikkatte!