▲ ഗൃഹലക്ഷ്മി ഓണപ്പൂക്കൾ
ചങ്ങമ്പുഴ കൃഷ്ണപിള്ള=>▲ ഗൃഹലക്ഷ്മി ഓണപ്പൂക്കൾ
അകളങ്കാനന്ദത്താ
ലിത്ര നാളെന്നാത്മാവി
ലമലേ, പേർത്തും പേർത്തും
പുളകം പൂശിച്ചു നീ!
എങ്ങനെ മറക്കും ഞാൻ
പ്രാണനാളത്തോടൊട്ടി
ത്തങ്ങിനിന്നീടും നിത്യ
മംഗളാസ്പദേ, നിന്നെ?
ദിവ്യാത്മബന്ധം ലോകം
മറ്റൊന്നായ് വ്യാഖ്യാനിയ്ക്കാം
ദൈവത്തിൻ മുന്നിൽ, പക്ഷേ
തെറ്റുകാരല്ലല്ലോ നാം!
അതിനാലധീരമ
ല്ലെൻമനമൊട്ടും ലോക
ഗതികണ്ടിടയ്ക്കിട
യ്ക്കല്ലലിലടിഞ്ഞാലും.
ഭൂവിൽ ഞാൻ നിന്നെക്കണ്ടു
മുട്ടിടാതിരുന്നെങ്കിൽ
ജ്ജീവിതസൌന്ദര്യം ഞാ
നറിയാതിരുന്നേനേ!
നിസ്വാർത്ഥസ്നേഹാമൃത
മാധുര്യം, നീയാണാദ്യം
നിസ്വനാമെന്നെ സ്വദി
പ്പിച്ചതി പ്രപഞ്ചത്തിൽ.
നിന്നിലൂടീക്ഷിപ്പൂ ഞാൻ
സ്ത്രീത്വത്തിൻ മാഹാത്മ്യത്തെ
നിന്നിലൂടാരാധിപ്പൂ
ശക്തിയെസ്സഹർഷം ഞാൻ!
സന്തതം നവരക്ത
പുഷ്പസഞ്ചയമെന്‍റെ
സങ്കൽപം, നിൻതൃക്കാൽക്ക
ലർച്ചിച്ചുനിൽപൂ, ദേവി! ...
വനനീലിമയെപ്പുണർന്നടു
ത്തണയും കോകിലകൂജനങ്ങളേ,
പ്രണയാകുല ഞാ, നശേഷമി
ന്നനുമോദിക്കുകയില്ല നിങ്ങളെ!
വികസിച്ചു വിലാസസുസ്മിതം
വിതറീടും നവകോരകങ്ങളേ,
വിരഹാകുല ഞാൻ, ക്ഷമിക്കുവിൻ
വിഗണിച്ചീടുകിലിന്നു നിങ്ങളെ!
അനുഭൂതികൾ വീശി നിന്നൊര
ക്കനകപ്പൂങ്കതിരസ്തമിച്ചിതോ?
ഇനിവീണ്ടുമുദിയ്ക്കയില്ലയോ
തനിയേ നീ തളിരിട്ട ഭാഗ്യമേ?
Manglish Transcribe ↓
Changampuzha krushnapilla=>▲ gruhalakshmi onappookkal
akalankaanandatthaa
lithra naalennaathmaavi
lamale, pertthum pertthum
pulakam pooshicchu nee! Engane marakkum njaan
praananaalatthodotti
tthangininneedum nithya
mamgalaaspade, ninne? Divyaathmabandham lokam
mattonnaayu vyaakhyaaniykkaam
dyvatthin munnil, pakshe
thettukaarallallo naam! Athinaaladheerama
llenmanamottum loka
gathikandidaykkida
ykkallaliladinjaalum. Bhoovil njaan ninnekkandu
muttidaathirunnenkil
jjeevithasoundaryam njaa
nariyaathirunnene! Nisvaarththasnehaamrutha
maadhuryam, neeyaanaadyam
nisvanaamenne svadi
ppicchathi prapanchatthil. Ninniloodeekshippoo njaan
sthreethvatthin maahaathmyatthe
ninniloodaaraadhippoo
shakthiyesaharsham njaan! Santhatham navaraktha
pushpasanchayamenre
sankalpam, ninthrukkaalkka
larcchicchunilpoo, devi! ... Vananeelimayeppunarnnadu
tthanayum kokilakoojanangale,
pranayaakula njaa, nasheshami
nnanumodikkukayilla ningale! Vikasicchu vilaasasusmitham
vithareedum navakorakangale,
virahaakula njaan, kshamikkuvin
viganiccheedukilinnu ningale! Anubhoothikal veeshi ninnora
kkanakappoonkathirasthamicchitho? Iniveendumudiykkayillayo
thaniye nee thaliritta bhaagyame?