▲ ചാരിതാർത്ഥ്യം ഓണപ്പൂക്കൾ
ചങ്ങമ്പുഴ കൃഷ്ണപിള്ള=>▲ ചാരിതാർത്ഥ്യം ഓണപ്പൂക്കൾ
വിമലേ, വിശാലമാം
ലോകത്തി, ലങ്ങിങ്ങായി
വിഹരിച്ചിരുന്ന നാ
മെങ്ങനെ യടുത്തെത്തി?
പനിനീർപ്പൂമൊട്ടുപോൽ,
കൌതുകം കസവിട്ട
പരിശുദ്ധിയി, ലെന്റെ
കൌമാരം വിടർന്നപ്പോൾ.
ആലകളോളംവെട്ടും
ഹൃത്തുമായ്, വിജയത്തിൻ
പേശലകരാശ്ലേഷ
മേൽക്കുവാനുഴറീ ഞാൻ.
വെളിച്ചം തളിച്ചെത്തും
പകലിൻ, സൌഭാഗ്യത്തിൻ
കളിവാർമലർക്കാവിൽ,
ചാഞ്ചാടീ നിഴലുകൾ!
കിളരും പ്രതീക്ഷകൾ
സർവ്വവും തഴച്ചുയർ
ന്നിളകിച്ചേർന്നൊന്നിച്ചു
പൂത്തു കായ്ക്കുവാൻ പോയാൽ,
പൂവനമാവില്ലല്ലോ
ജീവിത, മതുപിന്നെ
ക്കേവലം വനം മാത്രം
സമ്പൂർണ്ണ സംതൃപ്തൻ ഞാൻ!
വൻപിച്ച ഫലവൃക്ഷ
മൊന്നുമി, ല്ലെന്നാലെന്തീ
ച്ചെമ്പനീർപ്പുന്തോപ്പെനി
യ്ക്കേകിയല്ലോ, ഹാ, ദൈവം!
അത്ഭുതമെനിയ്ക്കെന്റെ
ജീവിതഗതിഭേദ
മത്ഭുതമാണേവം നി
ന്നാഗമോത്സവവും മേ!
മർത്ത്യതയുടെ മായയ്ക്കുമപ്പുറം
നൃത്തമാടും സനാതനസത്യമേ!
വിശ്വമൊട്ടുക്കണച്ചു തഴുകിടും
വിസ്മയാവഹനിത്യസൌന്ദര്യമേ!
തുച്ഛമാകുമീ മൺകുടിലിങ്കലും
തുഷ്ടിയാൽ,നിൻവിളക്കു കൊളുത്തി നീ!
Manglish Transcribe ↓
Changampuzha krushnapilla=>▲ chaarithaarththyam onappookkal
vimale, vishaalamaam
lokatthi, langingaayi
viharicchirunna naa
mengane yadutthetthi? Panineerppoomottupol,
kouthukam kasavitta
parishuddhiyi, lente
koumaaram vidarnnappol. Aalakalolamvettum
hrutthumaayu, vijayatthin
peshalakaraashlesha
melkkuvaanuzharee njaan. Veliccham thalicchetthum
pakalin, soubhaagyatthin
kalivaarmalarkkaavil,
chaanchaadee nizhalukal! Kilarum pratheekshakal
sarvvavum thazhacchuyar
nnilakicchernnonnicchu
pootthu kaaykkuvaan poyaal,
poovanamaavillallo
jeevitha, mathupinne
kkevalam vanam maathram
sampoornna samthrupthan njaan! Vanpiccha phalavruksha
monnumi, llennaalenthee
cchempaneerppunthoppeni
ykkekiyallo, haa, dyvam! Athbhuthameniykkente
jeevithagathibheda
mathbhuthamaanevam ni
nnaagamothsavavum me! Martthyathayude maayaykkumappuram
nrutthamaadum sanaathanasathyame! Vishvamottukkanacchu thazhukidum
vismayaavahanithyasoundaryame! Thuchchhamaakumee mankudilinkalum
thushdiyaal,ninvilakku kolutthi nee!