ചങ്ങമ്പുഴ കൃഷ്ണപിള്ള=>▲ തിരുവില്ലാമല ഓണപ്പൂക്കൾ

ശ്രീവില്വശൈലമേ, വെൽക; നിൻ നിസ്തുല

ശ്രീവിലാസത്തിന്‍റെ മയൂഖമതതല്ലികൾ,

സപ്തവർണ്ണസ്വപ്നചിത്രങ്ങൾ വീശുന്നി

തിപ്പൊഴുമോർമ്മതൻ ചില്ലിൽപ്പതിഞ്ഞിതാ!



വിശ്രമം പച്ചത്തണല്വിരിച്ചുള്ള നിൻ

വിസ്തൃതവക്ഷസ്സി, ലാത്മഹർഷാർദ്രരായ്,

ഞാനു, മെൻപ്രാണനാമോമൽസഖാക്കളും

വാണൊരാ രംഗമോർത്താടുന്നു മാനസം!

ചെങ്കതിർച്ചാർത്താൽ, ക്കുണുങ്ങും മരങ്ങളെ

ക്കുങ്കുമം ചാർത്തിച്ചണയുന്നൊരന്തികൾ,

ശ്യാമൊജ്ജ്വലങ്ങളശ്ശൈലശീർഷങ്ങളിൽ

പ്രേമപുരസ്സരം ചുംബിച്ചു നിൽക്കവേ,

വിശ്വസൌന്ദര്യം മുഴുവനും ചേർന്നൊരു

വിസ്മയചിത്രം വിരാജിപ്പു ഭൂമിയിൽ!



വീക്ഷണോല്ലാസദമായ് വിലസുന്നൊരാ

'രാക്ഷസപ്പാറ' യിലേറിനിന്നങ്ങനെ,

ചുറ്റുപാടും കണ്ണയയ്ക്കുകിലക്ഷണ

മറ്റുപോകാതില്ലൊരല്ലലും മർത്ത്യരിൽ

പൊൽക്കതിർപ്പൂമഴച്ചാർത്തിലന്തിയ്ക്കൊരു

നൽക്കനകാലയം തന്നെയാണസ്ഥലം!



ദൂരത്തു ദൂരത്തണിയിട്ടു വിണ്ണിന്‍റെ

മാറത്തുരുമ്മുമക്കുന്നിൻമുടികളും;

ചിത്രം വരച്ചപോൽ സിന്ദൂരമേഘങ്ങ

ളെത്തിപ്പിടിയ്ക്കാനൊരുങ്ങും മരങ്ങളും;

നേരിയ രാജതരേഖപോൽ മിന്നുന്ന

ഭാരതഭാസുരശ്രീലസ്രവന്തിയും;

ചുറ്റും മരതകപ്പച്ച വിരിച്ചിട്ടൊ

രറ്റം പെടാത്തൊരാ നെൽച്ചെടിപ്പാടവും;

ചാരുചാമീകരസോപാനമോഹന

ശ്രീരാമലക്ഷ്മണശ്രീമയക്ഷേത്രവും;

നാസ്തികന്മാരെയും ഭക്തിയിൽമുക്കുമ

സ്തോത്രഘോഷങ്ങളും, സ്വർണ്ണദീപങ്ങളും;

തെല്ലും വിരാമമ്പെടാതെ, മെന്മേൽ, ത്തിര

തല്ലി മുഴങ്ങുമക്ഷേത്രമണികളും;

ശുഭ്രവസ്ത്രാലംക്കൃതോജ്ജ്വലാംഗാഭയിൽ

വിഭ്രമിപ്പിക്കുന്ന വിദ്യോതിനികളും;

സന്ധ്യയ്ക്കിവയൊക്കെയൊന്നിച്ചുചേർന്നൊരു

ഗന്ധർവ്വലോകമാണശ്ശൈലമണ്ഡലം!

ആ നാടിനെക്കുറിച്ചോർക്കുമ്പൊളിപ്പൊഴു

മാനന്ദനർത്തനമാടുന്നു മന്മനം!! ....



കെട്ടഴിച്ചെന്നെ, യെൻശപ്തനഗരമേ,

വിട്ടയച്ചീടുകാ നാട്ടിലേയ്ക്കൊന്നു നീ!

അത്രമേൽ വീർപ്പുമുട്ടുന്നതുണ്ടിന്നെനി

യ്ക്കൽപം ശ്വസിച്ചിടട്ടാശുദ്ധവായു ഞാൻ.

എണ്ണയിൽ മുങ്ങിക്കുതിർന്നങ്ങനെ

ചിന്നിപ്പടരും പുകച്ചുരുൾച്ചാർത്തിനാൽ,

കണ്ണെനിയ്ക്കയ്യോ, കലിയ്ക്കുന്നു പോകട്ടെ

കർണ്ണികാരങ്ങൾ പൂവിട്ടൊരക്കുന്നിൽ ഞാൻ!

ആവശ്യമില്ലെനിയ്ക്കാഡംബരത്തിന്‍റെ

കോവണിത്തട്ടുകളെണ്ണുമിജ്ജീവിതം;

പോട്ടേ, സഹർഷം മരച്ചോട്ടിൽ ദൂരെയ

ക്കാട്ടുപുല്ലൂതുമിടയന്‍റെ കൂടെഞാൻ!

ഇക്കുഴല്‌വെള്ളം കുടിച്ചു മടുത്തെനി,

യ്ക്കക്കാട്ടുചോലയിൽപ്പോയി നീന്തട്ടെ ഞാൻ!

ക്ഷുദ്രമശകശപ്താലാപമല്ലി, യെൻ

നിദ്രയ്ക്കു നൽക്കുവാനുള്ളു നിങ്കൈവശം

മജ്ജീവരക്തം നിനക്കുഞാനർപ്പിച്ചു

ലജ്ജ തോന്നുന്നു മേ, കഷ്ടം, നഗരമേ!

വന്നിടാം വീണ്ടുമനുശയാധീനനായ്

നിന്നടുത്തേയ്ക്കു ഞാൻ മൽഗാമദേവതേ!





വാരുണരംഗമോ? രക്തപ്രളയമോ?

ദാരുണം ദൂരെയക്കാണ്മതെന്തെന്തു ഞാൻ?

ഉച്ചണ്ഡതാപം വളർത്തിയത്യുച്ചത്തി

ലുദ്ധതനായുജ്ജ്വലിച്ച മാർത്താണ്ഡനെ,

കുത്തിമലർത്തിക്കടലിലെറിഞ്ഞതാ

രക്താംബരം ചാർത്തി നിൽപൂ മുകിലുകൾ!

ശാന്തിതൻ നേരിയ മന്ദസ്മിതം മുഖ

ത്തേന്തി, ക്കുണുങ്ങിയണയുന്നു താരകൾ.

ഏതോ നവീനസമുൽക്കർഷദേവത

യ്ക്കാതിത്ഥ്യമേകാനൊരുങ്ങുന്നമാതിരി!...

---

Manglish Transcribe ↓

---

Changampuzha krushnapilla=>▲ thiruvillaamala onappookkal

shreevilvashylame, velka; nin nisthula

shreevilaasatthin‍re mayookhamathathallikal,

sapthavarnnasvapnachithrangal veeshunni

thippozhumormmathan chillilppathinjithaa! Vishramam pacchatthanalviricchulla nin

visthruthavakshasi, laathmaharshaardraraayu,

njaanu, menpraananaamomalsakhaakkalum

vaanoraa ramgamortthaadunnu maanasam! Chenkathircchaartthaal, kkunungum marangale

kkunkumam chaartthicchanayunnoranthikal,

shyaamojjvalangalashylasheershangalil

premapurasaram chumbicchu nilkkave,

vishvasoundaryam muzhuvanum chernnoru

vismayachithram viraajippu bhoomiyil! Veekshanollaasadamaayu vilasunnoraa

'raakshasappaara' yilerininnangane,

chuttupaadum kannayaykkukilakshana

mattupokaathillorallalum martthyaril

polkkathirppoomazhacchaartthilanthiykkoru

nalkkanakaalayam thanneyaanasthalam! Dooratthu dooratthaniyittu vinnin‍re

maaratthurummumakkunninmudikalum;

chithram varacchapol sindoorameghanga

letthippidiykkaanorungum marangalum;

neriya raajatharekhapol minnunna

bhaarathabhaasurashreelasravanthiyum;

chuttum marathakappaccha viricchitto

rattam pedaatthoraa nelcchedippaadavum;

chaaruchaameekarasopaanamohana

shreeraamalakshmanashreemayakshethravum;

naasthikanmaareyum bhakthiyilmukkuma

sthothraghoshangalum, svarnnadeepangalum;

thellum viraamampedaathe, menmel, tthira

thalli muzhangumakshethramanikalum;

shubhravasthraalamkkruthojjvalaamgaabhayil

vibhramippikkunna vidyothinikalum;

sandhyaykkivayokkeyonnicchuchernnoru

gandharvvalokamaanashylamandalam! Aa naadinekkuricchorkkumpolippozhu

maanandanartthanamaadunnu manmanam!! .... Kettazhicchenne, yenshapthanagarame,

vittayaccheedukaa naattileykkonnu nee! Athramel veerppumuttunnathundinneni

ykkalpam shvasicchidattaashuddhavaayu njaan. Ennayil mungikkuthirnnangane

chinnippadarum pukacchurulcchaartthinaal,

kanneniykkayyo, kaliykkunnu pokatte

karnnikaarangal poovittorakkunnil njaan! Aavashyamilleniykkaadambaratthin‍re

kovanitthattukalennumijjeevitham;

potte, saharsham maracchottil dooreya

kkaattupulloothumidayan‍re koodenjaan! Ikkuzhalvellam kudicchu maduttheni,

ykkakkaattucholayilppoyi neenthatte njaan! Kshudramashakashapthaalaapamalli, yen

nidraykku nalkkuvaanullu ninkyvasham

majjeevaraktham ninakkunjaanarppicchu

lajja thonnunnu me, kashdam, nagarame! Vannidaam veendumanushayaadheenanaayu

ninnaduttheykku njaan malgaamadevathe! Vaarunaramgamo? Rakthapralayamo? Daarunam dooreyakkaanmathenthenthu njaan? Ucchandathaapam valartthiyathyucchatthi

luddhathanaayujjvaliccha maartthaandane,

kutthimalartthikkadalilerinjathaa

rakthaambaram chaartthi nilpoo mukilukal! Shaanthithan neriya mandasmitham mukha

tthenthi, kkunungiyanayunnu thaarakal. Etho naveenasamulkkarshadevatha

ykkaathiththyamekaanorungunnamaathiri!...