▲ മധുവിധു ബാഷ്പാഞ്ജലി
ചങ്ങമ്പുഴ കൃഷ്ണപിള്ള=>▲ മധുവിധു ബാഷ്പാഞ്ജലി
കളകളകോകിലാലാപലോലം
കമനീയകാമദപുഷ്പകാലം;
മധുപാനമത്തമധുപഗീതം
മധുരസുരഭിയാം മന്ദവാതം;
മലർനിര മേളിച്ച മഞ്ജുവാടം
മരതകപ്പച്ചവിരിച്ച പാടം;
വിജനവിലാസലതാനികുഞ്ജം
ഭജനവിലോലയെൻ പുണ്യപുഞ്ജം
പരിമളകല്ലോലമൽപമൽപം
പരിചിലിളകിടും പുഷ്പതൽപം;
മിളിതനിർവ്വാണസുഖപ്രണയം
ലളിതവികാരമയഹൃദയം;
അരികി,ലാത്മാവിലമൃതസാരം
ചൊരിയുമെൻ നിസ്തുലഭാഗ്യതാരം;
ഒരുവാക്കിനോമനയ്ക്കെന്തുനാണം
ഇനി വേറൊരുത്സവമെന്തു വേണം?
ഇരുവരുമന്യോന്യ ചിന്തമൂലം
കരയലാൽത്തന്നെ കഴിച്ചു കാലം.
ശിഥിലാഭിലാഷങ്ങളാകമാനം
തിരതല്ലുമന്നത്തെയാത്മഗാനം,
ഒളിവിലന്യോന്യംപകർന്നുനൽകി
കലിതാനുമോദമണഞ്ഞു പുൽകി,
വിരഹ കലഹ സമാഗമങ്ങൾ
വിഫലസങ്കൽപ്പത്തിലാർന്നു ഞങ്ങൾ!
സദയമന്യോന്യമൊളിഞ്ഞുനോക്കി
സ്സമയം സരസമായെത്ര പോക്കി!
പരഭൂതയുഗ്മളം പാട്ടുപാടി
പ്പരിലസിച്ചീടും വനിക തേടി,
അഴലാർന്നനാരതം ഞങ്ങൾ പോയി
മിഴിനീരൊഴുക്കുവാന്മാത്രമായി!
അനഘവസന്തമണഞ്ഞതില്ല;
അനുരാഗപ്പൂവല്ലി പൂത്തുമില്ല.
അനുദിനം വായുവിൽക്കോട്ടകെട്ടി
യനുതപിച്ചേവം കഴിച്ചുകൂട്ടി.
* * *
ചിരകാലപ്രാർത്ഥിതമീവസന്തം
തരളിതമാക്കുന്നിതെൻ ഹൃദന്തം!
മമ ജീവനയികയ്ക്കെന്നോടേവം
മതിയിൽ വളരുന്നു രാഗഭാവം!
മതിയതിൽ മാമകഭാവിയെന്നും
മഹിതാഭ താവിത്തെളിഞ്ഞുമിന്നും!
..........................................
വഴിയുമാ മന്ദാക്ഷമന്ദഹാസം,
വദനാരവിന്ദപ്രഭാവിലാസം
ഇവരണ്ടും പോരു,മെൻജീവിതത്തിൽ
പരിതൃപ്തിയേകുവാനീ ജഗത്തിൽ!
മധുവിധുകാലമിതെത്ര രമ്യം!
മഹിയിലതൊന്നല്ലാതെന്തു കാമ്യം?
Manglish Transcribe ↓
Changampuzha krushnapilla=>▲ madhuvidhu baashpaanjjali
kalakalakokilaalaapalolam
kamaneeyakaamadapushpakaalam;
madhupaanamatthamadhupageetham
madhurasurabhiyaam mandavaatham;
malarnira meliccha manjjuvaadam
marathakappacchaviriccha paadam;
vijanavilaasalathaanikunjjam
bhajanavilolayen punyapunjjam
parimalakallolamalpamalpam
parichililakidum pushpathalpam;
milithanirvvaanasukhapranayam
lalithavikaaramayahrudayam;
ariki,laathmaavilamruthasaaram
choriyumen nisthulabhaagyathaaram;
oruvaakkinomanaykkenthunaanam
ini veroruthsavamenthu venam? Iruvarumanyonya chinthamoolam
karayalaaltthanne kazhicchu kaalam. Shithilaabhilaashangalaakamaanam
thirathallumannattheyaathmagaanam,
olivilanyonyampakarnnunalki
kalithaanumodamananju pulki,
viraha kalaha samaagamangal
viphalasankalppatthilaarnnu njangal! Sadayamanyonyamolinjunokki
samayam sarasamaayethra pokki! Parabhoothayugmalam paattupaadi
pparilasiccheedum vanika thedi,
azhalaarnnanaaratham njangal poyi
mizhineerozhukkuvaanmaathramaayi! Anaghavasanthamananjathilla;
anuraagappoovalli pootthumilla. Anudinam vaayuvilkkottaketti
yanuthapicchevam kazhicchukootti.
* * *
chirakaalapraarththithameevasantham
tharalithamaakkunnithen hrudantham! Mama jeevanayikaykkennodevam
mathiyil valarunnu raagabhaavam! Mathiyathil maamakabhaaviyennum
mahithaabha thaavitthelinjuminnum!
.......................................... Vazhiyumaa mandaakshamandahaasam,
vadanaaravindaprabhaavilaasam
ivarandum poru,menjeevithatthil
parithrupthiyekuvaanee jagatthil! Madhuvidhukaalamithethra ramyam! Mahiyilathonnallaathenthu kaamyam?