ചങ്ങമ്പുഴ കൃഷ്ണപിള്ള=>▲ മാപ്പ് ബാഷ്പാഞ്ജലി

സഹതാപം അല്ലെങ്കിൽവേണ്ട, ഞാനി

ന്നറിയാതതൊന്നു പറഞ്ഞുപോയി.

അപരാധമാണ,തെനിക്കതിനാൽ

സദയം നീ ലോകമേ, മാപ്പുനൽകൂ!

കരുതിടാതാണതു ചൊന്നതു ഞാൻ,

പരിഭവമൽപവും തോന്നരുതേ!

ശിഥിലമായ്ത്തീരുമൊരാർദ്രചിത്തം

പലമട്ടു പിച്ചു പുലമ്പിയേയ്ക്കാം;

അവയിലെല്ലാറ്റിനുമിപ്രകാരം

ചെവികൊടുത്തീടൊല്ലേ, നിങ്ങളാരും!

ഞെരിയുമൊരാത്മാവിൻദീനനാദം

സുരപഥത്തോളം ചെന്നെത്തിയാലും,

ബധിരമീ ലോകം; ഇതിനകത്തെൻ

പ്രണയംകൊ,ണ്ടയേ്യാ,പിന്നെന്തുകാര്യം?

മിഴിനീരിൽമുങ്ങി നനഞ്ഞുതിരും

മൊഴികളിലോലുന്ന മാർദ്ദവവും;

കദനം നിറഞ്ഞു തുളുമ്പിനിൽക്കും

കരളിൻനിരഘ മധുരിമയും;

പറയാതറിയുകയില്ലയെങ്കിൽ

പറയാം; എന്നാലുമിതെന്തു മൗനം?

മതിമതി പണ്ടു, മെൻലോകമേ, നീ

യിതുവിധം കർക്കശമായിരുന്നോ?

ദയനീയഗദ്ഗതം തിങ്ങിവിങ്ങും

ഗളനാളം ഞെക്കി ഞെരിക്കുവാനും

ഇടറാത്ത കൈകളിലുല്ലസിപ്പൂ

വിജയമേ, നിന്‍റെ വരണമാല്യം!

കനകാംഗിയാകുമക്കാല്യലക്ഷ്മി

കലിതാനുരാഗം കരങ്ങൾ നീട്ടി,

തഴുകുവാൻ പോയാലും, സമ്മതിക്കാ

തിരുളൊന്നിച്ചോടുന്നു താരകങ്ങൾ!

പരിപൂർണ്ണതയിങ്കലേയ്ക്കു നമ്മെ

യൊരുദിവ്യശക്തിയെടുത്തുയർത്തും;

അനുസരിക്കാതെ കുടഞ്ഞുനോക്കു

മതിലുമടിയിലേയ്ക്കാഞ്ഞടിയും

അറിയുന്നീലെന്നാലിതൊന്നു,മയേ്യാ,

മറിമായംതന്നെയീ മന്നിലെന്തും

ഭുവനമേ, മാനവദൃഷ്ടിയിങ്കൽ

വെറുതെയോ നീയൊരു മായയായി?

കളവേതു, സത്യമേ,താരു കണ്ടു?

ശിവനേ,യിതെല്ലാമെന്തിന്ദ്രജാലം!....

* * *

കഥയെമ്മട്ടായാലും, കണ്ടുനിന്നു

കരയുവാൻമാത്രമെനിക്കറിയാം.

ക്ഷണികസൗന്ദര്യങ്ങൾ നോക്കിനോക്കി

ത്തകരുന്നു, ഹാ, മനം മാമകീനം.

ഒരുപുഷ്പം വാടിക്കൊഴിഞ്ഞിടുമ്പോ

ളൊരു നെടുവീർപ്പെന്നിലങ്കുരിപ്പൂ!

............................................................

ഇവയെല്ലാം മൂഢതയായിരിക്കാം;

സദയം നീ, ലോകമേ, മാപ്പുനൽകു!



നിഴലും വെളിച്ചവും മാറി മാറി

നിഴലിക്കും ജീവിതദർപ്പണത്തിൽ,

ഒരുസത്യം മാത്രം നിലയ്ക്കുമെന്നും

പരമാർത്ഥസ്നേഹത്തിൻ മന്ദഹാസം!

---

Manglish Transcribe ↓

---

Changampuzha krushnapilla=>▲ maappu baashpaanjjali

sahathaapam allenkilvenda, njaani

nnariyaathathonnu paranjupoyi. Aparaadhamaana,thenikkathinaal

sadayam nee lokame, maappunalkoo! Karuthidaathaanathu chonnathu njaan,

paribhavamalpavum thonnaruthe! Shithilamaayttheerumoraardrachittham

palamattu picchu pulampiyeykkaam;

avayilellaattinumiprakaaram

chevikoduttheedolle, ningalaarum! Njeriyumoraathmaavindeenanaadam

surapathattholam chennetthiyaalum,

badhiramee lokam; ithinakatthen

pranayamko,ndaye്yaa,pinnenthukaaryam? Mizhineerilmungi nananjuthirum

mozhikalilolunna maarddhavavum;

kadanam niranju thulumpinilkkum

karalinniragha madhurimayum;

parayaathariyukayillayenkil

parayaam; ennaalumithenthu maunam? Mathimathi pandu, menlokame, nee

yithuvidham karkkashamaayirunno? Dayaneeyagadgatham thingivingum

galanaalam njekki njerikkuvaanum

idaraattha kykalilullasippoo

vijayame, nin‍re varanamaalyam! Kanakaamgiyaakumakkaalyalakshmi

kalithaanuraagam karangal neetti,

thazhukuvaan poyaalum, sammathikkaa

thirulonnicchodunnu thaarakangal! Paripoornnathayinkaleykku namme

yorudivyashakthiyedutthuyartthum;

anusarikkaathe kudanjunokku

mathilumadiyileykkaanjadiyum

ariyunneelennaalithonnu,maye്yaa,

marimaayamthanneyee mannilenthum

bhuvaname, maanavadrushdiyinkal

verutheyo neeyoru maayayaayi? Kalavethu, sathyame,thaaru kandu? Shivane,yithellaamenthindrajaalam!....

* * *

kathayemmattaayaalum, kanduninnu

karayuvaanmaathramenikkariyaam. Kshanikasaundaryangal nokkinokki

tthakarunnu, haa, manam maamakeenam. Orupushpam vaadikkozhinjidumpo

loru neduveerppennilankurippoo!

............................................................ Ivayellaam mooddathayaayirikkaam;

sadayam nee, lokame, maappunalku! Nizhalum velicchavum maari maari

nizhalikkum jeevithadarppanatthil,

orusathyam maathram nilaykkumennum

paramaarththasnehatthin mandahaasam!