▲ മുഗ്ദ്ധരാഗം ബാഷ്പാഞ്ജലി
ചങ്ങമ്പുഴ കൃഷ്ണപിള്ള=>▲ മുഗ്ദ്ധരാഗം ബാഷ്പാഞ്ജലി
മജ്ജീവനായക, കേളിയറയ്ക്കകം
ലജ്ജാവനമ്രമുഖിയായിരിക്കിലും,
താവകവിഗഹം മാത്രമാണെപ്പൊഴും
താവുന്ന ഭക്തിയാൽ ധ്യാനിപ്പതോമനേ!
കാലം കരാംഗുലി നീട്ടിപ്പതുക്കെ, യെൻ
ലോലമുഖപടം നീക്കിയാൽ പിന്നെ ഞാൻ
മുഗ്ദ്ധയ,ല്ലക്ഷണം നിന്നടുത്തെത്തി നിൻ
സ്നിഗ്ദ്ധാനനം ഞാൻ മുകർന്നുകൊള്ളാം സ്വയം.
* * *
ദേവ, നിൻചിത്രം വരച്ചും തുടച്ചു, മെൻ
ജീവിതച്ചായം പകുതിയും തീർന്നുപോയ്;
എന്നാലിനിയുമായിട്ടില്ലെനി,ക്കതിൻ
സൗന്ദര്യമെല്ലാം പ്രതിഫലിപ്പിക്കുവാൻ.
ആശങ്കയില്ലായ്കയി, ല്ലിതെങ്ങാനുമെ
ന്നാശയിലൽപം പുകപിടിച്ചെങ്കിലോ!
അന്തരംഗത്തിലെനിക്കാളുമുൽക്കണ്ഠ
യെന്തിനിനിയും വളർത്തുനു നീ, വിഭോ?
* * *
നാമിരുവർക്കുംനടുക്കൊരു നേരിയ
ധൂമിക നിൽക്കുന്നതുണ്ടതു നീങ്ങിയാൽ,
പിന്നെ നാമങ്ങിങ്ങു നിൽക്കില്ലൊരിക്കലും;
പിന്നെ നാമൊന്നിച്ചു തന്നെയാണെപ്പൊഴും!
* * *
മംഗളസ്വപ്നങ്ങൾ കണ്ടുകണ്ടെന്നെന്നു
മങ്ങതന്മാറിൽ തലചായ്ച്ചുറങ്ങുവാൻ,
ആരാലിവളിതാ പോരികയായിനി
ന്നാരോമൽ നിത്യാനുരാഗം നുകരുവാൻ!
ആയിരമായിരം മുല്ലമൊട്ടാ
ലാകാശപ്പന്തലലങ്കരിക്കാൻ
ആമന്ദമാദരാലാഗമിക്കും
ഹേമന്തയാമിനി നോക്കിനിൽക്കെ,
സ്വപ്നസങ്കേതം ഞാനെത്തിയിട്ടും
മൽപ്രിയനെന്തിത്ര താമസിപ്പൂ?
Manglish Transcribe ↓
Changampuzha krushnapilla=>▲ mugddharaagam baashpaanjjali
majjeevanaayaka, keliyaraykkakam
lajjaavanamramukhiyaayirikkilum,
thaavakavigaham maathramaaneppozhum
thaavunna bhakthiyaal dhyaanippathomane! Kaalam karaamguli neettippathukke, yen
lolamukhapadam neekkiyaal pinne njaan
mugddhaya,llakshanam ninnadutthetthi nin
snigddhaananam njaan mukarnnukollaam svayam.
* * *
deva, ninchithram varacchum thudacchu, men
jeevithacchaayam pakuthiyum theernnupoyu;
ennaaliniyumaayittilleni,kkathin
saundaryamellaam prathiphalippikkuvaan. Aashankayillaaykayi, llithengaanume
nnaashayilalpam pukapidicchenkilo! Antharamgatthilenikkaalumulkkandta
yenthininiyum valartthunu nee, vibho?
* * *
naamiruvarkkumnadukkoru neriya
dhoomika nilkkunnathundathu neengiyaal,
pinne naamangingu nilkkillorikkalum;
pinne naamonnicchu thanneyaaneppozhum!
* * *
mamgalasvapnangal kandukandennennu
mangathanmaaril thalachaaycchuranguvaan,
aaraalivalithaa porikayaayini
nnaaromal nithyaanuraagam nukaruvaan! Aayiramaayiram mullamottaa
laakaashappanthalalankarikkaan
aamandamaadaraalaagamikkum
hemanthayaamini nokkinilkke,
svapnasanketham njaanetthiyittum
malpriyanenthithra thaamasippoo?