▲ രാഗിണി ബാഷ്പാഞ്ജലി
ചങ്ങമ്പുഴ കൃഷ്ണപിള്ള=>▲ രാഗിണി ബാഷ്പാഞ്ജലി
അന്ധകാരത്തിന്‍റെ പിന്നിലൊളിച്ചുനി
ന്നന്തരാത്മാവിനെപ്പുൽകും വെളിച്ചമേ!
എങ്ങു നീ യെങ്ങു നീ? നിൻമൗനമംഗള
സംഗീതമെപ്പൊഴും കേൾക്കുന്നതുണ്ടു ഞാൻ.
വാടുവാനുള്ളൊരിജ്ജീവിതപ്പൂവിലും
പാടലച്ഛായ നീ വീശുന്നതെന്തിനോ?
താവകാലിംഗനമേകുന്നു നിത്യമെൻ
ജീവനാളത്തിനും രോമാഞ്ച കഞ്ചുകം.
അൽപപ്രഭയിൽനിന്നെന്നെ ക്ഷണത്തിലോ
രത്ഭുതചൈതന്യമാക്കിച്ചമച്ചു നീ!
* * *
ഈ ലോകഗാളമിമ്മട്ടമ്മാനമാടുന്ന
കാലത്തിനോടിന്നസൂയാലുവല്ല ഞാൻ.
നിൻ മുഖദർശന ധ്യാനലഹരിയാൽ
നിർമ്മലരാഗപരവശയാകവെ;
മൽപ്രാണനായക, മാമകചിത്തത്തിൽ
മറ്റൊരുചിന്തയ്ക്കിടമില്ലൊരിക്കലും.
വിണ്ണിൻ വെളിച്ചമേ, വ്യർത്ഥമായുള്ളൊരി
കണ്ണുനീരിന്നു നീ മാപ്പു നൽകേണമേ!
* * *
ആരാലണഞ്ഞു നീ നിന്നിടും നേര, മൊ
രാനന്ദമൂർച്ഛയിൽ ഞാനടിഞ്ഞെങ്കിലോ!
നിന്നെക്കുറിച്ചുള്ള ഗാനങ്ങളല്ലാതെ
മന്നിൽമറ്റൊന്നുമറിഞ്ഞുകൂടെങ്കിലും
ആരോമൽ നിന്മുഖം കാണുമ്പോളൊറ്റ വാ
ക്കോതുവാൻപോലുമശക്തയാണിന്നിവൾ!
* * *
തഞ്ചും മധുരരസം വാർന്നവസാന, മി
ത്തങ്കച്ചഷകം തകർന്നുപോമെങ്കിലും,
സത്യപ്രകാശമേ, നിന്മടിത്തട്ടിലെൻ
നിത്യസുഷുപ്തി ലയിക്കാതിരിക്കുമോ?
ഓരോരോ സന്ദേശമേകുന്നതുണ്ടെനി
ക്കോരോ ലതയിലെപ്പൂങ്കുലയും!
Manglish Transcribe ↓
Changampuzha krushnapilla=>▲ raagini baashpaanjjali
andhakaaratthinre pinnilolicchuni
nnantharaathmaavineppulkum velicchame! Engu nee yengu nee? Ninmaunamamgala
samgeethameppozhum kelkkunnathundu njaan. Vaaduvaanullorijjeevithappoovilum
paadalachchhaaya nee veeshunnathenthino? Thaavakaalimganamekunnu nithyamen
jeevanaalatthinum romaancha kanchukam. Alpaprabhayilninnenne kshanatthilo
rathbhuthachythanyamaakkicchamacchu nee!
* * *
ee lokagaalamimmattammaanamaadunna
kaalatthinodinnasooyaaluvalla njaan. Nin mukhadarshana dhyaanalahariyaal
nirmmalaraagaparavashayaakave;
malpraananaayaka, maamakachitthatthil
mattoruchinthaykkidamillorikkalum. Vinnin velicchame, vyarththamaayullori
kannuneerinnu nee maappu nalkename!
* * *
aaraalananju nee ninnidum nera, mo
raanandamoorchchhayil njaanadinjenkilo! Ninnekkuricchulla gaanangalallaathe
mannilmattonnumarinjukoodenkilum
aaromal ninmukham kaanumpolotta vaa
kkothuvaanpolumashakthayaaninnival!
* * *
thanchum madhurarasam vaarnnavasaana, mi
tthankacchashakam thakarnnupomenkilum,
sathyaprakaashame, ninmaditthattilen
nithyasushupthi layikkaathirikkumo? Ororo sandeshamekunnathundeni
kkoro lathayileppoonkulayum!