* ശാരീരിക പ്രവർത്തനങ്ങൾ നിയന്ത്രിക്കുകയും ഏകോപിപ്പിക്കുകയും ചെയ്യുന്നതിന് നാഡീവ്യവസ്ഥയോടൊപ്പം പ്രവർത്തിക്കുന്ന വ്യവസ്ഥയാണ് അന്തഃസ്രാവി വ്യവസ്ഥ.
* അന്തഃസ്രാവി ഗ്രന്ഥികളുടെ സ്രവങ്ങളാണ് ഹോർമോണുകളും സിറ്റോയ്ഡുകളും മറ്റും.
* ഇവ കലകളിൽ എത്തിച്ചേരുന്നത് കുഴലുകൾ വഴിയല്ല രക്തത്തിലൂടെയാണ്.അതിനാൽ ഇവ നളീരഹിത ഗ്രന്ഥികൾ എന്നും വിളിക്കപ്പെടുന്നു.
പാൻക്രിയാസ്
* പാൻക്രിയാസ് ഗ്രന്ഥിയിൽ കാണപ്പെടുന്ന കോശസമൂഹങ്ങളാണ് ഐലറ്റ്സ് ഓഫ് ലാംഗർഹാൻസ് .
* ഈ കോശ സമൂഹങ്ങളിലെ ബീറ്റ കോശങ്ങൾ ഇൻസുലിനും ആൽഫ കോശങ്ങൾ ഗ്ലൂക്കഗോണും ഉല്പാദിപ്പിക്കുന്നു.
* രക്തത്തിലെ ഗ്ലൂക്കോസിന്റെ സാധാരണ അളവ് 70-110mg/100ml ആണ്. രക്തത്തിലെ ഗ്ലൂക്കോസ് അളവ് നിയന്ത്രിക്കുന്നത് പാൻക്രിയാസ് ആണ്.
* ഇൻസുലിനാണ് കരളിലും പേശികളിലും വെച്ച് ഗ്ലൂക്കോസിനെ ഗ്ലൈക്കോജനാക്കി മാറ്റുന്നത്. ഗ്ലൂക്കോസ് തന്മാത്രയുടെ കോശത്തിനകത്തേക്കുള്ള പ്രവേശനം ത്വരിതപ്പെടുത്തുന്നു.
* കരളിൽ സംഭരിച്ചിരിക്കുന്ന ഗ്ലൈക്കോജനെ ഗ്ലൂക്കോസാക്കി മാറ്റുന്നത് ഗ്ലൂക്കഗോൺ ആണ്.
പ്രമേഹം (Diabetes Mellitus)
* പ്രഭാത ഭക്ഷണത്തിനു മുൻപുള്ള രക്തപരിശോധനയിൽ 126 mg/100 ml-നു മുകളിൽ രക്തത്തിൽ ഗ്ലൂക്കോസുള്ള അവസ്ഥയാണ് പ്രമഹേം,
* പ്രമേഹരോഗികളുടെ മൂത്രത്തിൽ ഗ്ലൂക്കോസ് കാണപ്പെടും
തൈറോയ്ഡ് ഗ്രന്ഥി
* സ്വനപേടകത്തിനു തൊട്ടുതാഴെ സ്ഥിതിചെയ്യുന്നു.
* തൈറോയ്ഡ് ഗ്രന്ഥി ഉല്പാദിപ്പിക്കുന്ന ഹോർമോണുകളാണ് തൈറോക്സിൻ, കാൽസിടോണിൻ എന്നിവ.
* കുട്ടികളിൽ തൈറോക്സിൻ ഉല്പാദനം കുറഞ്ഞാൽ ക്രൈറ്റനിസം എന്ന അവസ്ഥ ഉണ്ടാകും.
* മുതിർന്നവരിൽ തൈറോക്സിൻ തുടർച്ചയായി കുറഞ്ഞാലുണ്ടാകുന്ന രോഗമാണ് മിക്സെഡിമ.
* തെറോക്സിന്റെ ഉല്പാദനം കൂടിയാൽ ഗ്രേവ്സ് രോഗം ഉണ്ടാകും. കണ്ണുകൾ പുറത്തേക്ക് തള്ളി നിൽക്കുന്നതാണ് ഇതിന്റെ ലക്ഷണം
* തൈറോക്സിന്റെ ഉല്പാദനത്തിന് ആവശ്യമായ മൂലകമാണ് അയഡിൻ, അയഡിന്റെ അഭാവത്തിൽ തൈറോയ്ഡ് ഗ്രന്ഥി അമിതമായി വളരുന്ന അവസ്ഥയാണ് ഗോയിറ്റർ.
* രക്തത്തിലെ കാത്സ്യത്തിന്റെ അളവ് കുറയ്ക്കാൻ തൈറോയ്ഡ് ഗ്രന്ഥി ഉല്പാദിപ്പിക്കുന്ന ഹോർമോൺ ആണ് കാൽസിടോണിൻ.
പാരാതൈറോയ്ഡ് ഗ്രന്ഥി
* തൈറോയ്ഡ് ഗ്രന്ഥിയുടെ പിൻഭാഗത്തായി സ്ഥിതിചെയ്യുന്ന ഗ്രന്ഥിയാണ് പാരാതൈറോയ്ഡ് ഗ്രന്ഥി.
* പാരാതൈറോയ്ഡ് ഗ്രന്ഥി ഉല്പാദിപ്പിക്കുന്ന ഹോർമോണാണ് പാരാതെർമോൺ
* രക്തത്തിലെ കാത്സ്യത്തിന്റെ അളവ് വർധിപ്പിക്കാൻ സഹായിക്കുന്ന ഹോർമോണാണ് പാരാതെർമോൺ.
തൈമസ് ഗ്രന്ഥി
* മാറെല്ലിന് താഴെയായി സ്ഥിതിചെയ്യുന്ന അന്തഃസ്രാവീഗ്രന്ഥിയാണ് തൈമസ്
* തൈമോസിൻ ഹോർമോൺ ഉല്പാദിപ്പിക്കുന്ന ഗ്രന്ഥിയാണ് തൈമസ്
* യുവത്വ ഹോർമോൺ എന്നും ഈ ഹോർമോൺ അറിയപ്പെടുന്നു.
* ശൈശവത്തിൽ വളരെ സജീവമായ ഗ്രന്ഥി പ്രായപൂർത്തിയെത്തുമ്പോൾ ചുരുങ്ങിപ്പോവും.
അഡ്രിനൽ ഗ്രന്ഥി
* വൃക്കകളുടെ മുകളിൽ സ്ഥിതിചെയ്യുന്ന ഗ്രന്ഥികളാണിവ.
* അഡ്രിനൽ ഗ്രന്ഥിയുടെ പുറംഭാഗം കോർട്ടക്സ് എന്നും ഉൾഭാഗം മെഡുല്ല എന്നും അറിയപ്പെടുന്നു.
* കോർട്ടക്സ് ഉല്പാദിപ്പിക്കുന്ന ഹോർമോണുകളാണ് കോർട്ടിസോൾ, അൽഡോസ്റ്റിറോൺ എന്നിവ. ഇവ ലൈംഗിക ഹോർമോണുകളും ഉല്പാദിപ്പിക്കുന്നു.