ഗുജറാത്ത്
സർദാർ വല്ലഭ് ഭായ് പട്ടേലിന്റെ പ്രതിമയാണ് നിർമാണം പൂർത്തിയാവുമ്പോൾ ലോകത്ത് ഏറ്റവും ഉയരംകൂടിയ പ്രതിമയെന്ന സവിശേഷത സ്വന്തമാക്കുക. ഗുജറാത്തിലെ നർമ്മ ജില്ലയിൽ സർദാർ സരോവർ അണക്കെട്ടിനു സമീപമാണ് 2989 കോടി രൂപ ചെലവഴിച്ച് കൂറ്റൻ പ്രതിമ നിർമിക്കുന്നത്. 182 മീറ്ററാണ് പ്രതിമയുടെ ഉയരം. രാജ്യത്തെ എണ്ണക്കമ്പനികൾ 200 കോടി രൂപ പ്രതിമയുടെ നിർമാണത്തിനായി നൽകണമെന്ന പെട്രോളിയം മന്ത്രാലയത്തിന്റെ വാക്കാലുള്ള നിർദേശം വിവാദമായതാണ് ഇപ്പോൾ ഈ പ്രതിമയെ വാർത്തയാക്കിയിരിക്കുന്നത്.